Kuch gunah jo ladke zyada karte hain
================
1. Parai ladki/aurat ko dekhna
2. Gaali Dena
3. Jhagda Karna
4. Kamai Mein Haram Halal Na Dekhna
5. Jhoot Bolna
Kuch gunah jo ladkiya zyada karti hain
1. Be Parda Ghoomna
2. Shohar Ki Nafarman
3. Shohar Ki Na-shukri
4. Baal Khol Kar Chalna
5. Bila Zaroorat Ghar Se bahar nikalna.
6. Khushbu laga kar ghar se nikalna.
7. Apni Khoobsurati ko parae mard par zaahir karna.
Ye sabhi gunah ladka aur ladki dono karte hain lekin jo zyada karte
hain uska zikr kiya gaya hai aur iske alawa bhi bahut saare gunah
hain.
Allah hum sabko gunaho se bachne ki taufik ata kare.
• Zindagi Mein Khush-haali Laane Waali Baate
============================
1 Quraan Ki Tilawat Karna
2 Namaz Ki Pabandi Karna
3 Allah Ka Shukar Ada Karna
4 Majboor Ki Madad Karna
5 Gunaaho Se Tauba Karna (maafi maangna)
6 Rishtedaro Se Accha Salook Karna
7 Subah Ke Waqt Sura e Yaseen aur Shaam Ke Waqt Sura e Waqia Ki Tilawat Karna
Allah Hame In 7 Bato Par Amal Karne Wala Banae, aameen.
• Islam Ka Ilm Allah Ko Raazi Karne Ke Liye Sikho
========================
Hazrat Muhammad (sallallahu alyhiwasallam) Ne Farmaya – Jo insan islam
ka ilm isliye sikhna chahta ho ke us ilm se wo kam ilm (Jaahilo) Par
Fakhr (ghamand) kare, Ulema (scholar) Se Jhagda Kare, Logo Me Aalim ke
taur Par famous ho jaae aur Log Uski izzat kare to aesa insan dozakh
mein jaaega.
[ Tirmizi 2654, Ibne Majah253]
Bhaiyo-bahno, kam se kam itna islam sikhna har muslim ke liye farz hai
jisse usko iski jaankari mil jaae ke kya kaam halal hai aur kya haram
hai. Ye to sabse kam darja hai, wese ek muslim ko puri zindagi islam
ko zyada se zyada sikhte rahna chahiye, us par amal karna chahiye aur
dusro ko sikhana chahiye. hamare sahaba (radi allahu anhu) ka tarika
ye hota tha ke jo bhi islam ki baat sikhte the, foran apne dusre
saathiyo ko batate the.
Islam ka ilm sikhna zaruri hai lekin ilm sikhne ki niyat sabse pahle
khud ko sahi raaste par lana, Allah ko raazi karna aur apne ilm se
dusro ko sahi raasta dikhana hona chahiye.
Allah hum sabko amal ki taufik ata kare, aameen.
• Har Takleef Ke Badle Gunah Maaf Hote Hain
=======================
Hazrat Muhammad (sallallahu alyhiwasallam) Ne Farmaya Ke
momin Ko Jo Bhi THAKAN, BIMARI, GAM, FIKAR or TAKLIF
Pahunchti He Yaha Tak Ke Agar KANTA Bhi CHUBHTA He To
Us Ki Wajah Se Allah Uske Gunaah Ko Maaf Kar Deta He
Bukhari Shareef
Isliye bhaiyo-bahno har haal mein Allah ka shukr karte raha karo.
• Dusro Ko Maaf Karne Ka Faida
=======================
Hazrat Muhammad (Sallallahu Alaihay Wasallam) ne farmaya –
“Jo Shakhs Kisi Ko Maaf Kar Deta Hai, uski Allah Izzat badha deta hai.
-: (Muslim Sharif)
• Parche/paper aur SMS Ki Hakikat
==========================
Aajkal kuch logo ne ye tarika shuru kar diya hai ke pesa kamane ke
liye ek SMS karte hain ya parch baate hain jis par likha hota hai ke
agar is parche/letter/page ki itni photo copy karwaoge to kuch acchi
khabar milegi nahi karoge to kuch nuksaan hoga, aur isi tarah ke
message hamare mobile par bhi aate hain, usme likha hota hai ke
> Ye Message 9 Logo Ko Send Karo to Murad Puri Hongi
> 5 Dino Mein Khush khabri Milengi
> Jannat Milengi etc
> Yeh Message 10 Logo Ko Send Karo Warna 10 Saal Ke Liye Bad Qismat Ho Jaoge
(Kya Ab Qismat Ke Faisale Mobile karenge)
Kya Hum Apne mazhab Ko Itna Hi Jaante Hain Ke SMS Karne Se Jannat Mil
Jaae, ya Bad Qismat Ho Jaae, agar aesa hi hota to Phir Namaz, Roza,
Hajj, Zakat, Aur Digar Aamaal Kis Kaam Ke, Kya Messages Send Karne Se
Murad Puri Hongi, To ALLAH Ke Saamne Rona, Haath felana Kis Kam Ka
Bhaiyo-bahno is tarah ke parche/paper wo log print karwa kar logo mein
dete hain jo photo copy machine lekra bethe hain, ya printing press
lekar bethe hain ya jinak paper ka business hai. Taake log photocopy
ya isko print karwaaen to unko faida ho.
Is tarah ke SMS mobile company waale hi nikalte hain taake log zyada
se zyada ek dusre ko message bhejen aur company ka faida ho. Kuch log
mazak mein bhi is tarah ke SMS dusro ko bhej dete hain lekin jinko
message milta hai wo serious hokar is SMS ko aage badha dete hain.
——————————
Is tarah ke MESSAGE AAE TOH sabse PEHLE DELETE KARO.
Meri aapse request hai ke is Message ko Zyada Se Zyada share/like karo
Taake ye baat dusre logo tak pahuch sake aur log sahi baat ko samajh
saken.
JazakAllah
- शब ए बारात की रात में क्या पढ़े | 2022 शब ए बरात का रोज़ा कब रखते है | - 7th March 2022
- Shab-E-Barat Ki Fazilat (शाबान बरक़त वाली रात) - 5th March 2022
- शब ए बारात की नमाज और सलामत तस्बीह (हिंदी) - 5th March 2022
