Islam

MAA

HIQAYAT🌹
***********
🌺Ek Shaks Ki Jaankani (Rooh Kabz Hote Waqt) Ke Waqt Kalima-A-Shahadat Padhne Se Zubaan Bandh Hogayi! Huzoor SALLALLAHU-TA’AALA-ALAIHI-WASALLAM Uske Paas Tashrif Legaye Aur Logon Se Daryaft Kiya Ki Kya Yeh Shaks Namaz Padhta Tha? Roze Rakhta Tha? Kaha Gaya, Haan! Aye Rasool-A-Khuda SALLALLAHU-TA’AALA-ALAIHI-WASALLAM Yeh Namaz Bhi Padhta Tha Aur Roze Bhi Rakhta Tha! Farmaya, Kya Usne Apni Maa Ki Nafarmani Bhi Ki Thi? Arz Ki Haan! Ya Rasoolallah! Wakayi Yeh Ek Maa Ki Nafarmani Karta Tha! Aapne Uski Maa Ko Bulaker Farmaya! Tu Apne Bacche Ki Khatah Muaf Kerde, Aakhir Hain To Tumahra Hi Lakhte-Jigar! Maa Ne Inkaar Kerdiya, Kyonki Usne Ek Mauke Per Maa Ki Aankh Fhoad Di Thi, Aur Sakht Dil Dukhaya Tha!

🌺Aapne Farmaya, Accha Jab Yeh Muaf Nahi Kar Sakti To Maa Ke Gustaakh Ka Hashr Dekho! Bahoatsi Lakdiyan Jama Karo Aur Uneh Aag Laga Do, Aur Use Dahekti Hui Aag May Daal Do! Maa Ne Jab Yeh Baat Suni To Be-Tabana Lehje May Kaha, Ya Rasoolallah! Yeh Mere Pet May 9 Mahine Raha Hain 2 Saal Usne Mera Dudh Piya Hain! Use Main Aag May Jalte Kaise Dekh Sakugi? Lijiye Maine Uski Khatayen Muaf Ki! Udher Maa Ne Muaf Kiya Idher Uske Bacche Ki Zubaan Se Nikla!
🌹“Ash-Hadu-An-Laa-Ilaaha-Illallah-Wa-Ash-Hadu-Anna-Mohammadan-Abdahu-Wa-Rasoolahu!”🌹

(Nujjahtul Majalis, Kitaabuz-Zikr Jild-1, Pg-52)

*******************
🌷SABAK🌷
*********
🌺Malum Hua Ki Maa Ka Bahoat Bada Darja Hain! Maa Ke Be-Adab Wa Gustaakh Ka Anjaam Accha Nahi Hota! Haan, Agar Maa Muaf Kerde To Uski Najaat Mumkin Hain!
🌺Yeh Bhi Malum Hua Ki Aadmi Namaz, Roze Ka Pabandh Hojane Ke Ba-Wajudh Maa Ki Be-Adbi Karne Se Bhi Jala Dene Ke Kaabil Hojata Hain!
🌺 To Jo Shaks Quraan Ka Der’s Bhi De, Namaz Bhi Padhe, Roza Bhi Rakhe, Daadi Bhi Rakhe, Tablig Bhi Kare Lekin Huzoor SALLALLAHU-TA’AALA-ALAIHI-WASALLAM Ka Be-Adab Ho, Wo Kyon Na Jahannam Ki Aag May Jalne Ke Kaabil Hoga!
Namaz Roza Huququllah Hain Aur Maa Ka Adab Huququl-Ibaad Mayse Hain! Wo Shaks Huququllah To Pure Karta Raha! Magar Marte Waqt Uska Anjaam Khatre May Isliye Pad Gaya Kyonki Usne Maa Ka Haq Ada Nahi Kiya Tha! Maa Agar Muaf Na Karti, To Wo Aag Se Kabhi Na Bachta! 🌺Isi Tarah Namaz, Roza, Hajj Wa Zakaat Huququllah Pure Ada Karne Wala Jo Shaks Huzoor Ka Gustaakh Hoga, Qayamat Ke Roz Uska Anjaam Khatre May Pad Jayega! Kyonki Usne Apne Rasool Ka Haq Ada Nahi Kiya Tha! Jabtak Huzoor Use Khud Muaf Na Farmayege Khuda Use Hargiz Na Chhodega!

🌹Khuda Jo Pakad Le Chuda Le Mohammad,

Mohammad Jo Pakde Chuda Koi Nahi Sakta!🌹

🌺Yani Huququllah Ada Na Karne Per Khuda Jise Pakdega Huzoor Apne Shafa-at Se Use Chuda Lege Aur Jisne Huzoor Ki Haq-Talfi Yani Be-Adbi Ki Hogi Use Agar Huzoor Ne Pakad Liya, To Use Khuda Bhi Nahi Chhodega!

mm

Noor Saba

Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.
mm

Comments

comments

Most Popular

Islamic Blog is an online Islamic Culture, Islamic Photo, Islamic Wallpapers, Islamic News & updates blog.

Copyright © 2016 islamicblog.in, powered by W3webschool.

To Top
Real Time Web Analytics