Islamic Knowledge

NABI KE 4 Dost

HIQAYAT
***********
Ek Din Hazrat Zibrayil Alaihi Salam Ek Tabaak (Thaal) Leker Aaye Jo Jannat Ke Sebon (Apple) Se Labrez Tha! Tabaak Huzoor SALLALLAHU-TA’AALA-ALAIHI-WASALLAM Ke Saamne Rakhker Arz Kiya, Ya Rasoolallah! Aap Isme Se Us Shaks Ko Inayat Kijiye Jo Aapko Pyara Ho! Yeh Tabaak Ek Noorani Khan-Poash Se Dhaka Hua Tha! 
Huzoor SALLALLAHU-TA’AALA-ALAIHI-WASALLAM Ne Apna Dast-A-Anwar Usme Dakhil Farmaker Ek Seb Nikala! Dekhte Kya Hain Ki Uski Ek Janib To Likha Hua Hain, Yani-
“Khuda Ka Tohfa Abu-Bakr Siddiq Keliye!”Aur Uski Dusri Janib Yeh Ibrat Likhi Hui Hain-“Siddiq Se Bugz Rakhne Wala Be-Deen Hain!”

Fir Aapne Dusra Seb Uthaya Uske Ek Taraf To Yeh Likha Tha!
“Yeh Khuda-A-Wahhaab Ka Tohfa Hain Umar Bin Khattaab Keliye!”Aur Dusri Janib Yeh Likha Hain-“Umar Ke Dushman Ka Thikana Jahannam May Hain!”
Iske Baad Ek Aur Seb Uthaya Jiske Ek Janib Yeh Likha Tha-
“Wo Khuda-A-Mannaan Wa Hannaan Ka Tohfa Hain Usmaan Bin Affaan Keliye!” Dusri Taraf Yeh Likha Tha! “Usmaan Ka Dushman Rehmaan Ka Dushman Hain!”
Fir Huzoor SALLALLAHU-TA’AALA-ALAIHI-WASALLAM Ne Tabaak Mayse Ek Aur Seb Uthaya Jiski Ek Janib To Yeh Likha Tha-
“Khuda-A-Gaalib Ka Tohfa Hain Ali Ibne Abi Taalib Keliye!” Aur Dusri Janib Yeh Likha Tha- “Ali Ka Dushnam Khuda Ka Dost Nahi!”
Huzoor SALLALLAHU-TA’AALA-ALAIHI-WASALLAM Ne Un Ibraat Ko Padhker ALLAH Ki Be-Hadh Hamdh Wa Sana Ki!

(Nujjahtul Majalis Jild-2,Pg-361)

********************
SABAK
*********
Huzoor SALLALLAHU-TA’AALA-ALAIHI-WASALLAM Ke Yeh 4 Yaar Jinki Baaz Hiqayat Aapne Padhi, Bade Martabon Aur Darjon Ke Maalik Hain! In 4 Yaaraan-A-Nabi Ka Dushman ALLAH Ka Dushman Hain!
Lihaja Har Musalman Ko In 4 Yaar Se Mohabbat Rakhna Lazim Hain Aur Inki Adawat Se Bachna Wajib Warna Imaan Ki Khair Nahi!

mm

Noor Saba

Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.
mm

Comments

comments

Most Popular

To Top