Islamic Blog

HIQAYAT:-
*********
Hazrat Zakariya Alaihis Salam Ke Sahab-Zaade Hazrat Yahya Alaihis Salam Ne Kisi Jungal May Shaitaan Ko Rote Hue Dekha, Aapne Pucha Rote Kyon Ho? Shaitaan Bola, Aye ALLAH Ke Nabi! Wo Shaks Kyon Na Roye Jisne Ek Taweel Zamane Tak Khuda Ki Bandagi Ki Aur Uski Ibadat Bekaar Gayi! Hazrat Yahya Alaihis Salam Ne ALLAH-TA’AALA Se Arz Ki, ILAHI! Yeh Mal-uon Ab To Pachtata Aur Rota Hain, Kya Iski Muafi Ki Koi Surat Hain? ALLAH-TA’AALA Ne Farmaya, Aye Yahya! Is Mal-oun Ke Rone Per Mat Jao Yeh Ikhlaas Ke Sath Nahi Rota! Yeh Banawati Aur Munafiqana Rota Hain! Agar Tum Iski Makkaari Ko Malum Karna Chahte Ho To Isse Kaho Ki ALLAH-TA’AALA Farmata Hain Ki Tum Aaj Bhi Agar Aadam Alaihis Salam Ki Qabr Ko Sazda Kerlo To Hum Raazi Hojayege!
Hazrat Yahya Alaihis Salam Ne Shaitaan Se Yeh Baat Keh Di To Wo Mal-oun Khil-khilaker Has Pada! Kehne Laga, Maine Aadam Ko Tab Sazda Nahi Kiya Jab Wo Zinda Tha To Ab Marne Ke Baad Kyon Karoon?

(Nujjahtul Majalis,Jild-2,Pg-60)

*********************************
SABAK:-
*******
Malum Hua Ki Yeh Zaruri Nahi Ki Har Rone Wala Mukhlisana Rota Ho, Balki Baaz Log Zhoota Rona Bhi Rote Hain!
Yeh Bhi Malum Hua Ki Shaitaan Rasool Ka Bada Dushman Hain!
Yeh Bhi Malum Hua Ki Shaitaan Ne Rasool Ki Na To Duniyawi Zindagi May Taazim Ki Aur Na Unke Visaal Ke Baad Unki Qabr Per Jane Keliye Taiyyar Hua!
Yeh Bhi Malum Hua Ki Rasool Per Marne Ka Lafz Shaitaan Bade Khule Hue Mooh Se Keh Diya Tha!

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm