HADEES:-
*********
Huzoor SALLALLAHU-TA’AALA-ALAIHI-WASALLAM Ke Waalid Hazrat Abdullah Radi-Allahu-Ta’aala-Anhu Bade Haseen Wa Jameel The Aapki Peshani May Noor-A-Mohammadi Ki Chamak Wa Dhamak Se Kayi Auratain Aapse Nikah Karna Chahti Thi! Hazrat Abdullah Radi-Allahu-Ta’aala-Anhu Ek Martaba Apne Waalid Hazrat Abdul-Muttalib Ke Sath Kaaba Sharif Ke Paas Se Guzre To Raaste May Werqa-Bin-Naufail Ki Bahen Baithi Thi Jo Kutub-A-Saabiqa Ki Aalima Thi, Usne Jab Hazrat Abdullah Ki Jabeen-A-Anwar May Noor-A-Mohammadi Dekha To Hazrat Abdullah Se Arz Kiya Ki Mujhse Nikah Ker Lijiye! Aapne Farmaya Main Apne Waalid Ki Marzi Ke Khilaf Kuch Nahi Kar Sakta! Hazrat Abdul-Muttalib Ne Wahab-Bin-Manaaf Jo Arab May Hasb-A-Nasab May Bahoat Ashraf The Unki Beti Hazrat Aamina Se Hazrat Abdullah Ka Nikah Kerdiya! Hazrat Aamina Saare Quraish May Hasab Wa Nasab Ke Lihaaj Se Mumtaaz Thi! Fir Jab Noor-A-Mohammadi Hazrat Aamina Radi-Allahu-Ta’aala-Anhu Ke Batan-A-Anwar May Muntakil Hogaya To Ek Roz Hazrat Abdullah Usi Rah Se Guzare Jis Rah May Werqa-Bin-Naufail Ki Bahen Ne Unse Nikah Kerlene Ki Darkhwast Ki Thi To Us Roz Usne Hazrat Abdullhah Ki Taraf Dhyaan Na Diya! Aapne Pucha Ki Aaj Kya Baat Hain Tum Meri Taraf Dekhti Bhi Nahi! Boli Wo Noor Jo Aapki Peshani May Dekha Tha Wo Aaj Nazar Nahi Aata!
Wo Jiske Noor Se Teri Chamakti Thi Yeh Peshani,
Usi Ki Thi Main Taalib Aur Uski Ki Thi Main Deewani,
Magar Main Reh Gayi Mehroom Kismat Meri Fhooti Hain,
Suna Hain Ki Wo Nemat Aamina Ne Tujhse Looti Hain!
(Mawahib-A-Laduniya, Jild-1, Pg-19)
(Hujjatul Alal-Aalamin Pg-220)
********************************
SABAK:-
*******
Huzoor SALLALLAHU-TA’AALA-ALAIHI-WASALLAM Ke Waalid Ka Naam Abdullah Hain Isi Se Yeh Baat Saabit Hojati Hain Ki Aap Momin The Aur Aapke Waalid Abdul-Mutallib Bhi Mushriq Na The Warna Wo Apne Farzandh Ka Naam Abdullah Na Rakhte! Huzoor Ki Waalida Ka Naam Aamina Bhi Is Haqiqat Per Saabit Hain Ki Aap Momina Thi! Abdullah Ho Aur Momin Na Ho! Aamina Ho Aur Momina Na Ho Kaisi Betuki Aur Gumrahi Ki Baat Hain! Abdullah Ko ALLAH Wo Farzandh (Beta) Ata Farmaya Jisne Boothon Ke Bandon Ko Ibadullah Bana Diya Aur Aamina Ko Wo Lakhte Jigar Ata Farmaya Jisne Be-Imaan Ko Imaan Ata Farma Ker Amaan De Di!
Abdullah Ko Momin Wahi Na Maanega Jo Khud Abdullah Na Ho Aur Aamina Ko Momina Wahi Na Maanega Jo Khud Momin Nahi! Akl Bhi Is Hukm Ko Taslim Nahi Karti Ki Jo Zaat Ba-Barkat Saari Qainaat (Duniya) Keliye Bayis-A-Najaat Banker Aayi Ho, Aur Jiski Nazron May Booth-Paraston Ko Khuda Parast, Daakuoan Ko Muhafiz, Andhon Ko Roshni Aur Jahannamiyon Ko Jannati Bana Diya!
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
