Islamic Blog

Humare Huzoor Pak (S.A.W) Ne Farmaaya Hai:

Jis Ki Teen Betiyaan Ya Teen Behnen Hon, Ya Do Betiyaan Ya Do Behnen Hon, In Ki Achi Tarah Parwarish Kare Or In Ke Ada-E-Huqooq Ke Baare Mein Allah Se Darta Rahe, Us Ke Liye Jannat Waajib Hogayi.

 

Or Ba’az Rivayaat Mein Aap (S.A.W) Ne Teen BetiyOn Ya Do BetiyOn Ki Parwarish Pe Jannat Ki Basharat Di To Kisi Ne Kaha “Agar Kisi Ki Ek Hi Beti Ho?”  To Aap (S.A.W) Ne Us Ko Bhi Jannat Ki Bhasharat Di…Agar Yeh Naymat Na Hoti To In Per Jannat Ka Waada Na Hota…

 

Is Hadees Se Zaahir Hota Hai Ke Beti Allah Ki Rehmat Hai Allah Ki Ata Kirda Barkat Hai…Jiski Waja Se Jannat Mil Jaaye Wo Naymat Hi Hue Na?? Per Kuch Loog Afsoos Karte Hain…Beti Ke Paida Hone Pe…Yeh Kaam Kaafir Karte The Or Ab Bhi Karte Hain…Beti Ke Paida Hone Pe Afsoos Karna…Agar Hum Bhi Aisa Karen To KaafirOn Mein Or Hum Mein Kiya Farq Reh Jaayega..?? Kaafir Ke Ghar Jab Beti Paida Hoti Thi To Wo UskO Zinda Dafna Dete Or Manhoos Samajhte The…KiOn Ke Wo Beti Ko Bojh Samajhte The…Ke Ab Uske Liye Ladka Dhoondna Parega, Jehaz Tayyar Karna Parega, Uski Izzat Ka Khayaal Rakhna Parega And Other Stuff…

 

Islam Ne Aurat Ko Izzat Di Hai, Aurat Ke Huqooq Rakhen Hain Or Aurat Ko Naymat Banaaya Hai…Islam Se Pehle Aurat Ki Na To Koi Izzat Thi Na Unhe Koi Sahaara Diya Jaata Tha…Unhe Bas Zinda Jala Diya Jaata Tha Ya Dafna Diya Jaata Tha…Lekin Huzoor Pak (S.A.W) Ki Aamad Or Islam Ke Urooj Ke Baad Aurat Ko Uske Asli Muqaam Pe Laaya Gaya…ALHUMDULILLAH ♥

 

Allah Subhaana Wa Ta’ala Ne Farmaaya:

JiskO Chahta Hai Betiyaan Ata Farmaata Hai Or JiskO Chahta Betay Ata Farmaata Hai. (Suraah Al Sho’ora)

 

Allah Ne Is Aayat Mein BetiyOn Ka Zikr Pehle Farmaaya Jis Se Inki Fazeelat Zaahir Hoti Hai…Or Huzoor Pak (S.A.W) Ne Farmaaya:

Wo Aurat Mubarak Hai Jiske Pait Se Pehli Martaba Beti Ho.

 

Inhi BetiyOn Ne Humare Auliya-E-Ikraam Ko Paida Kiya…Or Sabse Bari Baat Jo Humare Huzoor Pak (S.A.W) Hain In Ka Nasb Inki Beti Se Chala…Agar Betiyaan Barkat Na Hoti To Allah Apne Sabse Pyaare Nabi Ka Nasb Beti Se Na Chalaata…One More Thing…Shayad Aap Sab Ko Yeh Baat Na Pata Ho…But Beti Ki Waja Se Ek Sunnat Bhi Poori Hoti Hai…Nana Ban Ne Ki Sunnat 🙂 KiOn Ke Humare Nabi (S.A.W) Nana Bane The Dada Nahi Bane…So Jo Banda Nana Hone Ki Sunnat Poori Kar Raha Hai Wo Yeh Yaad Rakhe Ke Wo Aise Hi Nahi Nana Bana Balke Uske Ghar Beti Hue Jiski Parwarish Hue, Shaadi Hue Or Phir Uske Ghar Aulad Ki Shakal Mein Ek Beti Hue Jiske Baad Wo Nana Bana…

 

So Plz Everyone…Jab Bhi Aap Kisi Ko Beti Paida Hone Pe Afsoos Ki Haalat Mein Dekhen Usey Yeh Sab Baatein Bataayen…KiOn Ke Hum Mein Se Kuch Musalmaan Aise Hain Jo Yeh Sab Baatein Ya To Bhool Chuke Hain Ya Unhe Kabhi Bataayi Hi Nahi Gayi…Jo Ke Bht Afsoos Ki Baat Hai…

 

ALLAH HUM SAB KO HIDAYAT DE OR SAHI RAASTE PE CHALNE KI TAUFEEQ ATA FARMAAYE…AMEEEN ♥

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Aafreen Seikh
Latest posts by Aafreen Seikh (see all)