Karamaat-A-Gaus-A-Aazam
Nakl Hain Ki Sayyaduna Gaus-A-Aazam Rehmatullah Ta’aala Alaihi Ek Bar Dariya Ke Paas Se Guzar Rahe The Ki Us Dauraan Chand Auratain Pani Bharne Keliye Aayi Aur Wapas Jane Lagi, Lekin Ek Budiya Ne Apna Bartan Bharker Zameen Per Rakh Diya Aur Dariya Ke Kinare Khade Hoker Rone Lagi! Aapne Uski Haalat Dekhi Aur Uska Haal Malum Kiya! Usne Bataya Ki Uska Ek Beta Tha Jiski Shaadi Karke Baraat Ke Sath Wapas Aarahi Thi Ki Dariya May Bhawar Aagaya Aur Kishti Tamaam Baraatiyon Samet Doob Gayi! Siwaye Us Budiya Ke Aur Koi Zinda Na Nikla! Is Wakiya Ko 12 Saal Hogaye The! Sayyaduna Gaus-A-Aazam Rehmatullah Ta’aala Alaihi Ne Farmaya Tera Ladka Apni Dulhan Aur Baraatiyon Ke Sath Zinda Hoker Aayega! Aapke Yeh Farmate Hi Achanak Dariya May Tugyani Paida Hui Aur Us Jagah Se Kishti Namudaar Hui Jis Jagah Doobi Thi Aur Us Budiya Ka Beta Apni Biwi Aur Baraatiyon Ke Usi Shaan Wa Shaukat Ke Sath Sahi Saalim Baaher Nikal Aaya! Yeh Karamaat Dekhker Sab Hairaan Reh Gaye! Baad May Dulha Aapka Mureed Hogaya Aur Khilafat Bhi Haasil Ki! Unka Mazaar Gujrat (Pakistan) May Hain Aur Shah-Dulha Dariyayi Ke Naam Se Mashoor Hain!
(Tafsir-A-Nayimi, Hissa-2)
************************
TASHRIH:-
**********
“Tafsir-A-Nayimi May Allama Sahab Ne Jild-2, Sur-A-Maidah, Aayat No.110 Ke Baare May Likha Hain Ki ALLAH-TA’AALA Apne Maqbool Bandon Ki Dua Se Ya Unke Moajizaat Wa Karamaat Se Logon Ko Dobara Umr Deta Hain Jo Pehle Apni Umr Puri Karke Mar Chuke The! Yeh Faida “Tukhrajul-Mauta-Bi-Izni” Se Haasil Hua! Dekho Jin Gale-Sade Murdon Ko Hazrat Isa Alaihi Salam Zinda Farmate The Wo Apni Umren Puri Karke Margaye The Magar Aapke Moajize Se Uneh Fir Se Umren Ata Hui Thi! Lihaza Agar Gaus-A-Pak Rehmatullah Ta’aala Alaihi Ne 12 Baras Ki Doobi Baraat Ko Sahi Salamat Nikaala Aur Wo Log Bahoat Dino Zinda Rahe To Isper Koi Ehteraaz Nahi! Is Baraat Ka Dulha Ka Naam Sayyad Kabiruddin Hain Aur Lakab Dariyayi Dulha! Ab uneh Shah-Dulha Dariyayi Kaha Jata Hain! Unki Qabr Sharif Gujrat Magribi Pakistan May Hain Aur Aap Huzoor Gaus-A-Pak Rehmatullah Ta’aala Alaihi Ke Khalifa Hain,Aur Aapne Ek Bar Huzoor Gaus-A-Pak Rehmatullah Ta’aala Alaihi Ko Wazu Karate Hue Aapke Kadam Sharif Se Tapakte Hue Katron Ke 5 Chullu Pani Pi Liye! Ek Chullu 100 Saal Ata Hue, Jo Apni Umr Guzaar Chuke The Wo Iske Alawa! Aapki Wafaat Sharif Sun 1000 Hijri Ke Baad Hain! In Tamaam Wakiyaat Ki Tafsil Dekho Kitaab “Makaam-A-Mehmood” Wagaira May! Isse Saabit Hain Ki Hazrat Shah-Dulha Huzoor Gaus-A-Pak Rehmatullah Ta’aala Alaihi Ke Khalifa Hain Aur Tarikh-A-Baith Wa Khilafat Sab Kuch Wahan Mutaala Farmayen! Jo Log Is Wakiye Per Ehteraaz Karte Hain Wo Is Aayat-A-Karima “Wa-Iz-Tukhrijul-Mauta-Bi-Izni” May Gaur Farmayen!
************************
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
