Allah Taala Insaan Se Farmata Hai:
Meri taraf Aa kar to Dekh
Mutawajjah na Hun to Kehna…
Meri Raah main Chal kar to Dekh
Raa’hain na Khol dun to kehna….
*Mujh se Sawal kar K to Dekh
Bakh’shish ki Hud na kar dun to Kehna..
Meray liye be-qadr ho kar to Dekh
Qadr ki Hud na kar dun to Kehna..
Meray liye Malamat Seh Kar to Dekh
Ik’raam ki Hud na kar dun to kehna..
Meray liye Lut kar to Dekh
Rehmat k Khazanay na Luta dun to Kehna..
Meray Koochay main Bik kar to Dekh
Un-mol na kar dun to Kehna…
Mujhay Apna RAB maan Kar to Dekh
Sabub se be-niyaz na kar dun to Kehna…
Meray Khoaf Se Aansoo baha kar to Dekh
Magh-firat k Darya na Baha dun to kehna..
*Wafa ki Laaj Nibha kar to Dekh
Ata ki Hud na kar dun to Kehna..
*Meray Naam ki Ta’zeem kar K to Dekh
Takreem ki Intaiha na kar dun to Kehna…
*Meri Raah main Nikal kar to Dekh
Asrar ayan na kar dun to kehna..
Mujhay Hayyul-Qayyum maan kar to Dekh
Teri Hayat ka Ameen na bana dun to Kehna..
*Apni Hasti Ko fana Kar K to Dekh
Jam-e-Baqa se Sarfaraz na kar dun to Kehna..
Bilakhir Mera Ho kar to Dekh
Har kisi ko Tera na bana dun to Kehna.
SUBHAN ALLAH.
- Sultan Shamsuddin Altamas. - 25th October 2016
- Allah Ki Raah me Kharch. - 24th October 2016
- Aqeeda aur Niyat. - 22nd October 2016
