AULAD KI PARWARISH KARNE KA TAREEQA

1 Bacho Ko Dudh Pilane Aur Khana Khilane Ke Liye Waqt Mukarrar Kar Lo Jo Aurat Har Waqt Bacho Ko Dudh Pilati Ya Jaldi Jaldi Bacho Ko Din Raat Me Baar Baar Khana Khilati Rehti He Un Ke Bacho Ka Hazima Kharab aur Me’ada Kamzor Ho Jaya Karta he Aur Bache K’e Dast Ki Bimariyo Me Mubatala Ho Kar Kamzor Ho Jaya Karte He.

2 Bacho Ko Saaf Suthra Rakho Magar Bohat Jiyada Banaw Singhar Mat Karo Ki Is Se Aksar Nazar Lag Jaya Karti He.

3 Bacho Ko Har Dum godh Me Na Liye Raho Balki Jab Tak Woh Bethne Ke Kabil Na ho Palne Me Jiyada Tar Sulaye Rakho Aur Jab Woh Bethne Kabil ho To un Ko Rafta Rafta Masnado Aur Takiyo Ka Sahara De Kar Bithane Ki Kosis Karo Har Dum Godh Me Liye Rehne Se Bache Kamzor Ho Jaya Karte He Aur Woh Godh Me Rehne Ki Aadat Pad Jane Se Bohat Der Me Chalte Aur Beth the He.

4 Baaz Aurte Apne Bacho Ko Mithai Kasrat Se Khalaya Karti He yeh Sakt Muzir He Mithai khane Se Dant Kharab Aur Me’ada Kamzor Aur Ba Kasrat Safravi Bimariya Aur Fode Funsi Ka Rog Bacho Ko Lag Jata He Mithai Ki Jagha Glucose ke Biscuit Bacho Ke Liye Achi Giza He.

5 Bacho Ke Samne Jiyada Khane Pine Ki Burai Bayan Karte Raho Aur Har Waqt Khate Pite Rehne SeBhi Bacho Ko Nafrat Dilate Raho.Maslan Yun Kaha Karo Ki Jo Jiyada Khata He Woh Jungli Aur Buddhu Hota He Aur Har Waqt Khate Pite Rehna Yeh Bandaro Ki Aadat He.

6 Bacho Ki Har Zid Puri Mat Karo Ki Is Se Bacho Ka Mizaz Bigad Jata He Aur Wo ziddi Ho jate He Aur Yeh Aadat Umr Bhar Nahi Chu-tti.

7 Bacho Ke Hath Se Fakiro Ko Khana Aur Paisa Dilaya Karo Isi Tarha Khane Pine Ki Chize Bacho Ke Hath Se Us Ke Bhai Behano Ko Ya Dusre Bacho Ko Dilaya karo Taaki Sakhawat Ki Aadat Hojaye Aur Khud Garzi Aur Nafs Parwari Ki Aadat Paida na Ho Aur Bacha Kanjus Na Ho Jaye.

8 Chilla Kar Bolne Aur Jawab Dene Se Hamesha baccho Ko Roko Khas Bachiyo Ko To Khub Khub Dant Fitkar Karo Warna Badi Hone Ke Baad Bhi Yeh Aadat Padi Rahegi To Meake Aur Sasural Dono Jagha Sab Ki Nazri Me Zalilo Khwar Bani Rahegi Aur Muhn Fat Aur Bad Tamiz Kehlayegi.

9 Gussa Karna Aur Baat Baat Par Ruth Kar Muhn Fulana Bohat Bura He Aur Bojat Jor Se Hasna Khwa Ma khwa Bhai Behno Se Ladna Jagadna Chugli Khana Gali Bakna In Harkato Par Ladko aur Khas Kar Ladkiyo Ko Bohat Jiyada Tambih Kiya Karo In Buri Aadato Ka Pad Jana Umr Bhar Ke Liye Ruswayi Ka Saman he.

10 Agar Bacha Kahi Se Kisi Ki Koi Chiz Utha Laye Agarche Kitni Hi Choti Q na Ho Is Par Sab Ghar Wale Khafa Ho jaye Aur Sab Ghar Wale Bache Ko Chor Chor Keh Kar Sharm Dilaye Aur Bache Ko Mazbur Kare Ki Woh Foran Is Chiz Ko Jahan Se Laya He Usi Jagha Is ko Rakh Aaye Fir Fir Chori Se Nafrat Dilane Ke Liye Us Ka Hath Dhulaye Aur Kaan Pakad Kar Us Se Tauba Karaye Taaki Bacho Ke Zehan Me Achi Tarah Yeh Baat Jam Jaye Ki Parayi Chiz Lena Chori He Aur Chori Bohat Bura Kaam He.

11 Bache Gusse Me Agar Koi Chiz Tode Fode Ya Kisi Ko Maar Bethe To Bohat Jiyada Danto Balki Munasib Saza Do Taaki Bache Fir Esa Na Karw Is Moke Par Lad Pyar Na Karo.

12 Khabhi Khabhi Bacho Ko Buzurgo Aur Nek Logon Ki Hikayat Sunaya Karo Magar Khabar Dar Khabar dar Aasiqhi Mashuqi Ke Kisse Kahaniya Bacho Ke Kaan Me Na Pade Na esi Kitabe Bacho Ke Hatho Me Do Jin Se Akhlak Kharab Ho.

13 Ladko Aur Ladkiyo Ko Jarur Koi Esa Hunar Sikha Do Jis Se Jarurat Ke Waqt Woh Kuch Kama Kar Basar Aukat Kar Sake Maslan Silai Ka Tarika Ya Moza Baniyan Sweater Bunna Ya Rassi Ka Buthna Ya Charkha Katna Khabar Dar Khabar Dar In Hunar Ki Baato Ko Sikhane Me sharam Aar Mehsoos Na karo.

14 Bacho Ko Bachpan Hi Se Is Baat ki Aadat Dalo Ki Woh Apna Kaam Khud Apne Hath Se Kare Woh Apna Bichona Khud Apne Hath Se Bichaye Aur Subha Ko Khud Apne Hath Se Apna Bistar Lapet Kar Us Ki Jagha Par Rakhe Apne Kapdo Aur Zewaro Ko Khud Sambhal Kar Rakhe.

15 Ladkiyo Ko bartan Dhone Aur Khane Pine Ghari Aur Saman Ki Safai Sutrayi Aur Sajawat Kapda Dhone Kapda rangne Sine Pirone Ka Sab Kaam Maa Ko Laazim He Ki Bachpan hi Se Sikhana Shuru Kar De Aur Ladkiyo Ko Mehnat Mashakat Uthane Ki Aadat Pad Jaye Is ki kosis Karni Chahiye.

16 Maa Ko Laazim he Ki Bacho Ke Dil Me Baap Ka Dar Bitha rahe Taaki Bachi Ki Dilo Me Baap Ka Dar Rahe

17 Bache Aur Bachiya Koi Kaam Chup Chupa Kar Kare To Un Ki Rok Tok Karo Ki Yeh Achi Aada Nahi.

18 Bacho Se Koi Mehnat Ka Kaam Liya Karo Maslan Ladko Ke Liye Laazim He Ki Woh Kuch Dur Dodh Liya Kare Aur Ladkiya Charkha Chalaye Ya Chakki Pis Le Taaki Un Ki sehat Thik Rahe.

19 bacho Aur Bachiyo Ko Khane Pehan ne Aur Logon Se Milne Milane Aur Mehfilo Me Uthne Bethne Ka Tarika aur Salika Sikhana Maa Baap Ke Liye Jaruri He.

20 Chalne Me Takid Karo Ki Bache Jaldi Jaldi Aur Dodh Te Huye Chale Aur Aur Nazar Upar Utha Kar Idhar Udhar Dhekte Huye Na Chale Aur Na Bich sadak Par Chale Balki Hamesha Sadak Ke Kinare Kinare Chale.

Source:http://www.diniraah.net/