Islamic Blog

Jab Aurat Baalig Ho Gayi Toh ALLAH wa Rasool Sallalaho taala alaihi wassalam Ki Tarf Se Shariat Ke Tamam Ahkam Ki Pabandi Ho Gayi.Ab Us Par Namaz Roza Aur Hajj Wa Zakat Ke Tamam Masail Par Amal Karna Farz Ho Gaya Aur ALLAH Taala Ke Hukook Aur Bando Ke Hukkook Ko Ada Karne Ki Woh Jimmedar Hogayi Ab Us Par Laazim he Ki Woh Khuda Ke Tamam Farzo Ko Ada Kare Aur Chote Bade Tamam Gunaho Se Bachti Rahe..
Aur Yeh Bhi Us Ke Liya Zaruri He Ki Apne Maa Baap Aur Bado Ki Taazim Wa Khidmat Baza Laye Aur Apne Chote Bhaiyo Behno Aur Dusre Azizo Akarib Ke Pyar Wa Muhabbat Kare.
Padosiyo Aur Ristenate Ke Tamam Choto,Bado Ke Sath Un  Ke Maratib Wa Darzat Ke lihaz Se Nek Sulook Aur Acha Bartaw Kare. 
Achi Achi Aadate Sikhe Aur Tamam Kharab Aadato Ko Chod De Aur Apni  Zindagi Ka Pure Tor Par Islami Dhache Me Dhal Kar Sachi Pakki Pabande Shariat Aur Iman Wali Aurat Ban Jaye Aur Is Ke Sath Sath Mehnat Massakat Aur Sabro Riza Ki Aadat Daale Mukhtasar Yeh Ki Shadi Ke Baad Apne Upar Aane Wali Tamam Gharelu Zimmedariyo ki Malumaat Hasil Karti Rahe Ki Sohar Wali Aurat Ko Kis Tarah Apne Sohar Ke Satha Nibah Karna Aur Apna Ghat Sambhalna chahiye Woh Apni Maa Aur Badi Bhudi Aurto Se Puch Puch Kar Is Ka Dhang AUR Salika Sikhe Aur Apne rehan Sehan Aur Chal Chalan Ko Is Tarah Sudhare Aur Saware Ki Na Shariat Me Gunah Gaar There Na Baradari wa Samaj Me Koi Is Ko Tana Mar Sake.
Khane Pine,Pehne Odhne,Sone Jagne,Baat Chit Garz Har Kaam Har Baat Me Jaha Tak Ho Sake Khud Taklif Utahaye magar Ghar Walo Ko Ko Aaram Wa Rahat Pochaye.Bagair Maa Baap Ki Izazat ke Na Koi Saaman Apne Istemal Me Laye Na Kisi Dusre ko De.Na Ghar Ka Ek Paisa Ya Ek Dana Maa Baap Ki Izazat Ke Bagair Kharch Kare.Na Bagair Maa Baap Se Puche Kisi Ke Ghar Ya Idhar Udhar Jaye.
Garz Har Kaam,Har Baat me Maa Ki Izazat Aur Rizamandi Ko Apne Liye Jaruri Samje,Khane Pine Sine Pirone Apne Badan Apne Kapde Aur Makan Wa Saman Ki Safai Garz Sab Gharelu Kaam ka Dhang Shik Le Aur Is ki Amli Aadat Daal Le Taaki Shadi Ke Baad Apne Sasural Ms Neknaami Ke Sath Zindagi basar Kar Sake Aur Maike Walo Aur Sasural Walo Ke Dono Ghar Ki Chahiti Aur Pyari Bani Rahe.
Parde ka Khas Tour Pr Khayal Aur Dhayn Rakhe.Gair Mehram Mardo aur Ladko Ke Samne Aane Jane,taak Jok Aur Hansi Mazak se Intehayi Parhez Rakhe.Aasiqana Ashar,Akhlak ko Kharab Karne Wali Kitabo Aur Rasail wa Akhbarat Ko Hargiz Na Dhekhe Bad Kirdar Aur Be Haya Aurto Se Bhi Parda Kar Aur Hargiz Khabhi In Se Mel Jol Na Rakhe Khel Tamasho Se Dur Rahe Aur Mazhabi Kitabe Kususan Seerat e MUSTUFA wa Seerat E Rasool Arabi,Tamhide Imaan Aur Milaad Sharif Ki Kitaabe Maslan zeenatul Milad Wagaira Ulama Ahle Sunnat Ki Tasnifat Padhti Rahe. 
Farz Ibadato Ke Sath Nafli Ibadate Bhi Karti Rahe.Maslan Tilawate Quraan Wa Tasbih Fatima Milad Sharif Padhti Padhati Rahe Aur Gyarvi Sharif Wa Baharvi Sharif Wa Moharam Sharif wagaira Ki Niyaz Wa Fatiha Bhi Karti Rahe Ki In Aamal Se Duniya Wa Akhirat Ki Be shumar Barkate Hasil Hoti He.Hargiz Hargiz  Bad Akida Logon ki Baat Na Sune Aur Ahle Sunnat Wal Jamaat Ke Akaid Wa Aamal Par Nihayat Mazbuti Ke Sath Kayam Rahe….
Source : http://www.diniraah.net/
Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.
mm