BAITULLAH KI KUNJI

Ek Din Huzoor SALLALLAHU-TA’AALA-ALAIHI-WASALLAM Tashrif Laye Aur Usmaan
Bin Talha Se Darwaza Kholne Ko Famaya! To Usmaan Bin Talha Ne Darwaza
Kholne Se Inkaar Kerdiya! Huzoor Ne farmaya, Aye Usmaan! Aaj Tu Yeh Darwaza
Kholne Se Inkaar kar raha Hain! Ek Din Aisa Bhi Aayega Ki Baitullah Ki Yeh
Kunji Mere Kabze May Hogi! Main Jise Chahuga Yeh Kunji Dunga! Usmaan Ne
Kaha, To Us Din Qaum-A-Quraish Halaaq Ho Chuki Hogi! Hijrat Ke Baad Jab
Macca Fatah Hua Aur Huzoor SALLALLAHU-TA’AALA-ALAIHI-WASALLAM Sahaba Ke
Lashker Samet Macca May Fatihana Dakhil Hue Sabse Pehle Kaaba Sharif May
Tashrif Laye Aur Isi Kalidh-Bardaar Usmaan Se Kaha, Lao! Wo Kunji Mere
Hawale Kardo! Nachaar Usmaan Wo Kunji Deni Padi! Huzoor Ne Wo Kunji Leker
Usmaan Ko mukhatab Farmaker Farmaya, Usmaan! Lo Kalidh-Bardaar Main Tujhi
Ko Mukarrar Karta Hoon! Tumse Koi Zaalim Hi Yeh Kunji Lega!

Usmaan Ne Dobara Kunji Li To Huzoor Ne Farmaya, Usmaan! Wo Din Yaad Hain
Jab Maine Kunji Talab Ki Thi Aur Tumne Darwaza Kholne Se Mana Kerdiya Tha!
Maine Kaha Tha Ki Ek Din Aisa Bhi Aayega Ki Yeh Kunji Mere Kabze May Hogi
Aur Main Jise Chahuga Dunga! Usmaan Ne Kaha: Haan Huzoor! Mujhe Yaad Hain
Aur Main Gawahi Deta Hoon Ki Aap ALLAH Ke Sacche Rasool Hain!

(Sacchi Hiqayat Pg-38,39)

************************
SABAK
*******
Hamare Huzoor Agli-Pichli Sab Baaton Ke Aalim Hain! Qayamat Tak Jo Kuch Bhi
Hone Wala Hain, Sab Aap Per Roshan Hain! Khuda Ne Aapko Ilm-A-Gaib Ata
Farmaya Hain! Aap Dana-A-Guyub Wa Aalim-A-Ma-Kana-Wa-Ma-Yakun Hain!
Fir Agar Koi Shaks Yun Kahe Ki Huzoor Ko Kal Ki Baat Ka Ilm Na Tha To Wo
Kis-Qadr Jaahil Hain!