Islamic Blog

Islamic Updates




Islamic Knowledge

Bidat Kise Kehte Hai

*Bidat Ki Ta’reef Mohaddiseen Se :–*

*Imaam Ibne Hajar Askalaani, Fathul Baari Sharahul Bukhaari, Jild No.3, Safha No.253.*
“Aisa Kaam Ijaad Karna Jiski Asal Shariat Me Maujood Na Ho Aur Bidati Woh Hota Hai Jo Shariat Ke Khilaaf Ho”
*Imaam Gazaali, Ahyaaul Uloom, 2/223.*
“Yeh Kehna Ke Yeh Baat Bidat Hai Kyunke Sahaaba Ke Zamaane Me Nahi Thi, Yeh Baat Sahih Nahi, Kyunke Qull Mubaahaat Sahaaba Se Manqool Nahi, Bidat Woh Hai Jo Sunnat Ke Khilaaf Ho, Jisko Shariat Me Mana Nahi Kiya Gaya Usko Bidat Kehna Sahih Nahi”
*Imaam Ibne Humaam, Fathul Qadeer, 1/466.*
“(Rasoolullah ﷺ Aur Sahaaba Ke) Na Karne Se Iss Qadr Saabit Huwa Ke Mandoob (Mustahab) Nahi, Raha Karaahat Ka Saboot To Jab Tak Daleel Na Di Mutahaqqaq Nahi Hota”
*Allaama Aaloosi, Ruhul Bayaan, 4/257.*
“Woh Sab Kaam Jinko Ulema Wa A’arifeen Ne Nikaala Hai Aur Jinke Amr Ki Shara Me Tasreeh Nahi Woh Bidat Nahi Albatta Bidat Woh Kaam Hai Jo Sareeh Sunnat Ke Khilaaf Ho Aur Agar Khilaaf Na Ho To Woh Achche Hai”
*Imaam Ibne Hajar Askalaani, Fathul Baari Sharah Sahih Bukhaari, 10/155.*
“F’el To Jawaaz Keliye Daleel Hota Hai Aur Na Karne Se Mana Nahi Kiya Jaata”
*Imaam Ibne Hajar Makki, Majmu’aa Fataawa, Kitaabul Hizr Wal Ibaaha, 9/2.*
“Hadees Ki Muraad Yeh Hai Ke Wohi Nau Paida (Nayi Cheez) Bidat e Sayiyah (Buri Bidat) Hai Jo Deen O Sunnat Ka Radd Kare Ya Shariat Ke Qawaaid e Itlaaq Wa Dalaail e Umoom Tak Uski Gawaahi Na De”
*Imaam Gazaali, Ahyaaul Uloom, 3/2.*
“Har Bidat Mana Nahi Hoti Balke Mana Sirf Wohi Bidat Hoti Hai Jo Sunnat e Saabeta Ki Ulat Ho Aur Sunnat Ki Illat Hote Huwe Amre Shariat Ko Khatam Karde”
*Allaama Ibne Aseer Jazari, Annehaaya, 1/106.*
In Dalaail Ki Bina Par Hadees “Qullu Mohdasatin Bidah” Ki Wazaahat Yeh Hogi Ke Isse Muraad Woh Naya Kaam Hoga Jo Usool e Shariat Ke Khilaaf Ho Aur Sunnat Se Koi Mutaabeqat Na Rakhta Ho”
*Imaamul Wahaabiyah Ibne Taimiya,* *Majmu’aa Al-Fataawa, Jild No.3, Page No.195.*
“Aisa Kaam Jo Aqeede, Ibaadat, Sunnat, Qur’aan Aur Ijma e Ummat Ke Khilaaf Ho Uss Kaam Ko Bidat Kehte Hai”
*Imamul Wahaabiyah Wahiduzzama, Hadyatul Menhdi, Safha 117.*
“Bidat Woh Kaam Hai Jiske Karne Se Sunnat Mit Jaaye Aur Agar Sunnat Na Mite To Woh Kaam Mubaah Hai”
Aur Imaamul Wahaabiyah Wahiduzzama Imaamul Wahaabiyah Siddiq Hasan Bhopaali Ka Qaul Naqal Karte Huwe Likhta Hai Ke “Jiss Bidat Se Kisi Sunnat Ka Radd Na Ho Woh Bidat Nahi Balke Woh Apni Asal Me Mubaah Hai”
*Bidate Hasnah Ki Daleel :–*
“Rasoolullah ﷺ Ne Farmaaya Ke Meri Ummat Me Kisi Ne Aisa Kaam Ijaad Kiya Jo Deen Keliye Behtar Hai To Qayaamat Tak Jitne Log Uss Par Amal Karenge Sabko Bhi Sawaab Milega Aur Uss Kaam Ke Ijaad Karne Waale Ko Sabke Sawaab Ke Baraabar Sawaab Milega.Aur Jisne Bura Kaam Ijaad Kiya Ussko Gunaah Milega Aur Jitne Log Uss Kaam Ko Karenge Unko Bhi Aur Sabka Gunaah Uss Bure Kaam Ke Ijaad Karne Waale Ko Bhi Milega”
*(Sahih Muslim, Jild No.1, Kitaabut Zakaat, Hadees No.2247)* *(Masnade Ahmed, Jild No.4, Safha 357)* *(Ass Sahih, Jild No.8, Safha 102)* *(Sunane Nasaai, Jild No.2, Kitabut Zakat, Hadees No.2554)*
“Hazrate Umar Radiallahu Anhu Ne Taraveeh Ko Jama’at Ke Saath Padhne Ka Hukm Diya Aur Hazrate Ubayi Bin Ka’ab Ko Imaam Banaaya Aur Farmaaya “Yeh Kitni Achchi Bidat Hai”
*(Bukhaari, Jild No.1, Hadees No.106)*
*(Mot’a Imaam Maalik, Jild 1, Safha 114, Hadees 150)*
*(Imaam Abdur Razzaaq, Al-Musannaf, Jild 4, Safha 258, Hadees No.60723)*
“Jab Hazrate Siddiq e Akbar Radiallahu Anhu Ke Zamaane Me Qur’aan Ko Jama Kiya Gaya To Aapne Farmaaya “Allah Ki Qasam Yeh Bahot Behtar Kaam Hai” *(Bukhaari, Jild 4, Safha 1720, Hadees 4442)*
“Rasoolullah ﷺ Ne Farmaaya Jo Cheez Haraam Thi Woh Humne Kitaab Me Likh Di Aur Jo Cheez Halaal Thi Woh Bhi Humne Kitaab Me Likh Di Aur Jo Cheez Par Hum Khaamosh Hai Woh Tumhaare Liye Jaaiz Hai.
*(Sunane Ibne Maajah, Jild 2, Hadees No.3367)*
Next Post Me Wahabio Ki Bidato Ko Ujaagar Kiya Jaayega
Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Latest posts by Aafreen Seikh (see all)
Aafreen Seikh is an Software Engineering graduate from India,Kolkata i am professional blogger loves creating and writing blogs about islam.