HIQAYAT:-
**********
Hazrat Umar Radi-Allahu-Ta’aala-Anhu Ke Ahad-A-Khilafat May Ek Martaba Kahath (Sukha) Padgaya To Hazrat Bilaal Bin Haaris Mazni Radi-Allahi-Ta’aala-Anhu Roza-A-Anwar Per Haazir Hue Aur Arz Kiya, Ya Rasoolallah! (SALLALLAHU-TA’AALA-ALAIHI-WASALLAM) Aapki Ummat Halaak Horahi Hain, Baarish Nahi Hoti! Huzoor SALLALLAHU-TA’AALA-ALAIHI-WASALLAM Uneh Khwab May Mile Aur Farmaya, Aye Bilaal! Umar Ke Paas Jao! Use Mera Salaam Kaho Aur Kehdo Ki Baarish Hojayegi! Umar Se Yeh Bhi Kehna Ki Kuch Narmi Ikhtiyar Karen! (Yeh Huzoor Ne Isliye Farmaya Ki Hazrat Umar Farookh Radi-Allahu-Ta’aala-Anhu Deen Ke Muamle May Bade Sakht The) Hazrat Bilaal Hazrat Umar Ki Khidmat May Haazir Hue Aur Huzoor Ka Salaam Wa Paigham Pahucha Diya! Hazrat Umar Yeh Salaam Wa Paigham-A-Mehboob Paaker Roye Aur Fir Baarish Bhi Khub Hui!
(Shawahidul Haq Lil-Nabbhani Pg-67)
*********************************
SABAK:-
********
Malum Hua Ki Visaal Sharif Ke Baad Bhi Sahaba-A-Kiraam Mushkil Ke Waqt Huzoor Hi Ki Khidmat May Haazir Hote The! Har Mushkil Yahin Se Hal Hoti Thi! Yeh Bhi Malum Hua Ki Hazrat Umar Farookh Radi-Allahu-Ta’aala-Anhu Ki Badi Shaan Hain! Aap Khalifa-A-Ber-Haq Hain! Is Qadr Khush-Kismat Hain Ki Visaal Sharif Ke Baad Bhi Huzoor Ke Salaam Wa Paigham Se Musharraf Hote Hain! Fir Jise Farookh-A-Aazam Se Adawat Hogi Wo Huzoor SALLALLAHU-TA’AALA-ALAIHI-WASALLAM Ko Kyon Na Bura Lagega?
************************
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
