Islamic Blog

Islamic Updates




Hadith

BISMILLAH KI FAZILAT

Hazrat Jaabir Radhi ALLAH Anhu se marwi hai ke *Rasul ALLAH Sallallahu Alaihi Wasallam* ne farmaya, “Jab aadmi apne ghar me zikr e ILAAHI *(BISMILLAH)* kar ke daakhil hota hai aur khate waqt bhi ALLAH ka zikr *’BISMILLAH’* karta hai to shaitan apne saathiyo se kehta hai ke yaha na tumhare liye khana hai aur na raat guzaarne ki jagah hai.

Aur jab bagair zikr ILAAHI ke daakhil hota hai to shaitan kehta hai ke tum raat guzaarne ki jagah paa gaye, phir agar khane ke waqt bhi *BISMILLAH* nahi kaha to kehta hai ke tumko khana bhi mil gaya aur raat guzaarne ki jagah bhi.”

Ibn Maajah HADITH (1/284)

*FAIDAH*

Is hadis se malum hua ke *BISMILLAH* keh kar ghar me daakhil hone se shaitan waha se bhaag jata hai aur ghar wale shaitan ke shar se mahfooz ho jate hain warna wo wahi rehta hai aur wahi raat guzaarta hai. Aur agar khate waqt bhi *BISMILLAH* na ki to shitan wahi khata bhi hai. Aur wahi raat guzaarne ki wajah se uski shararato ka khatra har waqt bana rahta hai.

To hum sab ko apne apne gharo me daakhil hote waqt aur khate waqt *BISMILLAH* kehne ki aadat bana lena chahiye. Balke koi bhi kaam karte waqt ALLAH ke naam se shuru karna chahiye taake har kaam me shaitan ke shar se bacha ja sake. ALLAH hum sab ko zyada se zyada zikr e ILAAHI ki taufiq de aur shaitan ke shar se mahfooz rakhe. AMEEN.

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Latest posts by Aafreen Seikh (see all)
Aafreen Seikh is an Software Engineering graduate from India,Kolkata i am professional blogger loves creating and writing blogs about islam.