Islamic Blog

HIQAYAT:-
**********
Hazrat Imaam Aazam Radi-Allahu-Ta’aala-Anhu Ke Zamane May Ek Shaks Amirul Mominin Hazrat Usmaan Radi-Allahu-Ta’aala-Anhu Se Badi Dushmani Rakhta Tha! Hatta Ki Hazrat Usmaan Radi-Allahu-Ta’aala-Anhu Ko (Maadh-Allah) Yahudi Kehta Tha! Hazrat Imaam Sahab Ko Is Baat Ka Ilm Hua To Aapne Use Bulaya Aur Usse Farmaya Ki Maine Tumahri Ladki Keliye Ek Munasib Rishta Talash Kiya Hain! Ladke May Har Kism Ki Khubi Maujudh Hain, Sirf Itni Si Baat Hain Ki Wo Yahudi Hain!

Us Shaks Ne Jawab Diya Ki Bade Afsos Ki Baat Hain Ki Aap Itne Bade Imaam Hoker Ek Musalman Ladki Ka Nikah Ek Yahudi Ke Sath Jayez Samajhte Hain! Main To Hargiz Is Nikah Ko Jayez Nahi Samajhta!

Hazrat Imaam Ne Farmaya, SUBHANALLAH! Tumahre Jayez Na Samajhne Se Kya Hota Hain, Jabki Huzoor SALLALLAHU-TA’AALA-ALAIHI-WASALLAM Ne Apni 2 Sahab-Zaadiyan Ka Nikah Ek Yahudi Se Kerdiya Tha! Wo Shaks Fauran Samajh Gaya Ki Hazrat Imaam Kis Baat Ki Hidayat Farma Rahe Hain!
Chunanche, Usi Waqt Usne Hazarat Usmaan Radi-Allahu-Ta’aala-Anhu Ki Jaat-A-Pak Ke Mutallik Khayaal-A-Baatil Se Tauba Ki! Hazrat Imaam Aazam Ki Barkaton Se Maalamaal Hogaya!

(Tazkiratul Auliya Pg-250)

********************************
SABAK:-
********
Hamare Imaam Aazam Bahoat Bade Imaam Aur Haadi (Hidayat Karne Wala) The! Yeh Bhi Malum Hua Ki Hazrat Usmaan Radi-Allahu-Ta’aala-Anhu Ki Shaan May Koi Gustakhi Dar-Asl Huzoor SALLALLAHU-TA’AALA-ALAIHI-WASALLAM Ki Shaan May Gustakhi Hain!

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Aafreen Seikh
Latest posts by Aafreen Seikh (see all)