Islamic Blog

•»DEEN WA DUNIYA«
**********************
HIQAYAT
*********
Ek Roz Huzoor SALLALLAHU-TA’AALA-ALAIHI-WASALLAM Ke Paas Ek Shaks Aaya, Arz Karne Laga!
Ya Rasoolallah! SALLALLAHU-TA’AALA-ALAIHI-WASALLAM Main Deen Wa Duniya Ki Behtari Keliye Aapse Puchna Chahta Hoon!
,
Huzoor SALLALLAHU-TA’AALA-ALAIHI-WASALLAM Ne Farmaya Puchlo Jo Puchna Hain!
,
Usne Arz Kiya,
Ya Rasoolallah! Main Chahta Hoon Ki Sabse Zyada Jaanne Wala Hojaoun!
Aap Ne Farmaya, ALLAH Se Darte Raho Sabse Zyada Jaanne Wale Hojaoge!
,
Arz Kiya, Huzoor Main Chahta Hoon Ki Sabse Zyada Gani Hojaoun, Aap ne Farmaya Kana-at Ikhtiyaar Karlo! Sabse Zyada Gani Hojaoge!
,
Arz Kiya: Main Chahta Hoon Ki Main Accha Banjaoun,
Aapne Farmaya Logon Se Acchayi Karo! Acche Banjaoge!
,
Arz Kiya! Main Chahta Hoon Ki Main Insaaf Karne Wala Banjaoun!
Aapne Farmaya, Jo Apne Liye Pasand Karte Ho Dusron Keliye Bhi Wahi Pasand Karo! Insaaf Karne Wale Banjaoge!
,
Arz Kiya: Main Chahta Hoon Ki Main ALLAH Ka Khaas Banda Banjaoun! Aapne Farmaya ALLAH Ki Yaad Kasrat Ke Sath Kiya Karo! Uske Khaas Bande Banjaoge!
,
Arz Kiya: Main Chahta Hoon Ki Mera Imaan Kaamil Hojaye!
Aapne Farmaya, Apne Akhlaaq Acche Karlo! Imaan Kaamil Hojayega!
,
Arz Kiya: Main Chahta Hoon Ki Main ALLAH Ke Taabedaron Mayse HoJaoun!
Aapne Farmaya, ALLAH Ke Farayiz Ada Karte Raho Uske Taabedar Banjaoge!
,
Arz Kiya: Main Chahta Hoon Ki Qayamat Ko Main Noor May Utthoon!
Aapne Farmaya, Kisi Per Zulm Na Karo! Qayamat Ko Noor Hi May Uthoge!
,
Arz Kiya: Main Chahta Hoon Ki ALLAH Mujhper Rahem Farmaye! ,
Aapne Farmaya, Khud Apni Jaan Per Aur ALLAH Ki Makhlooq Per Rahem Karo! ALLAH Rahem Farmayega!
,
Arz Kiya: Main Chahta Hoon Ki Mere Gunah Kam Hojaye!
Aapne Farmaya, Kasrat Ke Sath Istegfar Kiya Karo! Gunah Kam Hojayege!
,
Arz Kiya: Main Chahta Hoon Ki Mere Rizk May Wusu-at Paida Ho!
Aapne Farmaya, Hamesha Taharat Per Raho! Rizk May Wusu-at Paida Hojayegi!
,
Arz Kiya: Main Chahta Hoon Ki ALLAH Aur Uske Rasool Ke Doston Mayse Hojaoun!
Aapne Farmaya, Jisse ALLAH Aur Uske Rasool Ko Mohabbat Hain Usse Mohabbat Rakho! Jisse ALLAH Aur Uske Rasool Ko Dushmani Hain Usse Dushmani Rakho! ALLAH Aur Uske Rasool Ke Doston Mayse Hojaoge!
,
Arz Kiya: Main Chahta Hoon Ki ALLAH Ke Gazab Se Bach Jaoun!
Aapne Farmaya, Tum Kisi Per Gazab Na Karo! ALLAH Ke Gazab Se Bach Jaoge!
,
Arz Kiya: Main Chahta Hoon Ki ALLAH Mere Uyoob Ko Dhaanp Le!
Aapne Farmaya, Tum ALLAH Ki Makhlooq Ke Uyoob Dhaanpo! Khuda Tumahre Uyoob Ko Dhaanp Dega!
,
Arz Kiya: Mere Gunahon Ko Dhundne Wali Kaunsi Chiz Hain?
Aapne Farmaya, Aansu Aur Khuju Aur Bimariyan!
,
Arz Kiya: Kaunsi Neki ALLAH Ko Badi Pasand Hain?
Aapne Farmaya, Accha Khalq Aur Tawaja Aur Musibat Ke Waqt Sabr Aur ALLAH Ki Marzi Per Raazi Rehna!
,
Arz Kiya: ALLAH Ke Gazab Ki Aag Ko Bhujane Wali Kya Chiz Hain?
Aapne Farmaya, Sadqa Wa Khairaat Wa Sila Rehmi!
,
Arz Kiya: Jahannam Ki Aag Ko Bhujane Wali Kya Chiz Hain?
Aapne Farmaya, Roza!
,
(Kunjul Ummaal Jild-6,Pg-294)
********************************
SABAK
*******
Hamare Huzoor SALLALLAHU-TA’AALA-ALAIHI-WASALLAM Deen Wa Duniya Ki Behtari Keliye Tashrif Layen Hain! Aapki Taalim Deen Wa Duniya Ke Husn Wa Khubi Ki Jamay Hain! Khush-Naseeb Wo Log Hain Jo Huzoor SALLALLAHU-TA’AALA-ALAIHI-WASALLAM Ki Jamay Taalim Per Amal Paira Hokar Apna Deen Aur Apni Duniya Bhi Bana Lete Hain! Jo Log Hamare Huzoor SALLALLAHU-TA’ALA-ALAIHI-WASALLAM Ke Irshadat Per Amal Paira Nahi Hain, Unke Dono Jahaan Hi Kharaab Hain!

Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.
mm