Islamic Blog

HIQAYAT:-
*********
Huzoor SALLALLAHU-TA’AALA-ALAIHI-WASALLAM Ne Jab Makka Fateh Kiya, To Ek Roz Ek Kaafira Aurat Ki Deewar Se Apni Peet Mubarak Lagaker Khade Hogaye Aur Apne Ashaab (Sathiyon) Se Baatain Farmane Lage!
Is Wakaye Ko Mazmoon Kiya Hain, Iske Baad Jo Kuch Hua Sheron May Suniye!

Lagaya Takiya Jab Sarkar Ne Waa,
To Aurat Hogayi Be-Hadh Pareshan,

Mohammad Ki Agar Awaaz Sunli,
To Fauran Deen Se Apne Firungi,

Lagi Aurat Nida-A-Haq Se Darne,
Uthi Darwaza Ghar Ka Bandh Karne,

Yahi Surat Jo Is Aurat Ko Bhaayi,
To Haatif Se Use Awaaz Aayi!

Yeh Ghar Tera, Mohammad Hain Hamara!
Chukate Yun Hain Ham Badla Tumahra,

Karege Ham Nahi Nashaad Tujhko,
Jahannam Se Kiya Aabaad Tujhko,

Lage Pusht-A-Mohammad Tere Ghar Se,
To Fir Tu Kya Jale Naar-A-Sakar Se,

Jo Ki ALLAH Ne Yun Uski Yaari,
To Aansu Hogaye Aankhon Se Jari,

Nikal Aayi Wo Fauran Apne Ghar Se,
Lagi Kehne Wo Fir Khairul-Basher Se!

Ki Taale Dil Ke Bhi Ab Khol Daale,
Mere Dil May Tu Aaja Kamli Wale!

Yeh Kehker Fauran Kalima Padhker Imaan Le Aayi!

(Nujjahtul-Majalis, Baab Manakib Sayyadul-Awwalin Wal-Aakhirin Jild-2, Pg-78)

********************************
SABAK:-
********
Yeh Huzoor SALLALLAHU-TA’AALA-ALAIHI-WASALLAM Ki Pusht-A-Mubarak Ki Barkat Hain Ki Ek Kaafira Aurat Ke Makaan Ki Deewar Ko Lag Gayi To Makaan Wali Per Dozak Ki Aag Haraam Hogayi Aur Wo Musalman Hogayi! Fir Sahaba-A-Kiraam Alaihi-Mur-Rizwan Ki Azmat Shaan Aur Unke Imaan Ka Kaun Bayaan Kar Sakta Hain, Jo Har Waqt Huzoor Ke Sath Rehte The!
Siddiq-A-Akbar Radi-Allahu-Ta’aala-Anhu Ne Shab-A-Hijrat Ko Apne Kandhon Per Uthaya Aur Huzoor Ka Jism-A-Anwar Siddiq-A-Akbar Ke Jism Se Laga! Din-Raat Huzoor Apne Sahaba Se Musafa Farmate Aur Apne Hath Unke Hathon Se Milaate!
Yeh Bhi Malum Hua Ki Jis Kaafira Aurat Ke Makaan Ki Deewar Se Lamha Bhar Ke Liye Huzoor Ki Peet Mubarak Lag Gayi, Wo Najaat Pa Gayi Aur Jannat Ki Maalik Bangayi, To Jis Khush-Nasib Maa Ke Shikam-A-Anwar May Huzoor 9 Mahine Tashrif Farma Rahe Ho Wo Kyon Na Jannat Ki Maalika Aur Dozak Ki Aag Se “AAMINA” Hogi?
Aur Yeh Bhi Malum Hua Ki Agar Kaafira Aurat Ke Makaan Ki Deewar May Huzoor Ki Peet Ki Barkat Paida Ho Sakti Hain To Zameen Ke Jis Hisse May Huzoor SALLALLAHU-TA’AALA-ALAIHI-WASALLAM Ka Jism-A-Anwar Maujudh Hain Yani Qabr-A-Anwar Is Zameen Ki 4 Deewari May Huzoor Ki Barkat Kyon Paida Na Hogi? Aur Roza Munavwara Ki Mubarak Jaaliyon Se Mas Karne Wale Mooh Aur Hath Kyon Na Jahannam Ki Aag Se Aazaad Hoge?
Yeh Bhi Malum Hua Ki Is Momina Aurat Ne To Dil Ke Taale Khol Kar Huzoor Se Arz Kiya Tha!

“Mere Dil May Tu Aa Ja Kamli Wale”

Lekin Aajkal Ki Modern Aurat Mooh Se Hijaab Kholker Kisise Kehti Hain!

“Aa Ja More Baalma”

I am noor aqsa from india kolkata i love the islam and rules i am professional blogger and also seo expert learn islam with us.
mm