HIQAYAT:-
***********
Arab Ke Ek Sehra May Ek Bahoat Bada Kaafila Rah-A-Paima Tha Ki Achanak Us Kaafile Ka Pani Khatm Hogaya! Us Kaafile May Chote-Bade, Boodhe-Jawan Aur Mard Wa Aurat Sabhi The! Pyaas Ke Maare Sabka Bura Haal Tha! Dur Tak Pani Ka Naam-O-Nishaan Tak Na Tha! Pani Unke Paas Ek Katra Tak Baaki Na Raha Tha, Yeh Aalam Dekhker Maut Unke Saamne Raks Karne Lagi! Unper Yeh Khaas Karam Hua Ki: Achanak Do-Jahaan Ke Faryaad-Ras Mohammad Mustafa SALLALLAHU-ALAIHI-WASALLAM Unki Madad Farmane Wahan Pahuche! Huzoor Ko Dekhker Sabki Jaan May Jaan Aagayi! Sab Huzoor Ke Girdh Jama Hogaye! Huzoor Ne Uneh Tasalli Di Aur Farmaya Ki Wo Saamne Jo Tila Hain Uske Piche Ek Syaha Rang Habshi Gulam Unthni Per Sawar Ja Raha Hain! Uske Paas Pani Ka Ek Mashkiza Hain! Usko Unthni Samet Mere Paas Le Aao! Chunanche, Kuch Aadmi Tile Ke Us Paar Gaye To Dekha Wakayi Ek Unthni Per Sawar Habshi Ja Raha Hain! Wo Us Habshi Ko Huzoor Ke Paas Le Aaye! Huzoor SALLALLAHU-ALAIHI-WASALLAM Ne Us Habshi Se Mashkiza Leliya! Apna Dast-A-Rehmat Us Mashkiza Per Fherker Uska Mooh Khol Diya! Farmaya, Aao Ab Jis Qadr Bhi Pyaase Ho, Aate Jao Aur Pani Pi-Ker Apni Pyaas Bhujate Jao! Chunanche, Saare Kaafile Ne Us Mashkiza Se Jari Chashm-A-Rehmat Se Pani Pina Shuru Kiya Fir Sabne Apne-Apne Bartan Bhi Bhar Liye! Sabke Sab Sairaab Hogaye! Sab Bartan Bhi Pani Se Bhar Gaye! Huzoor Ka Yeh Moajiza Dekhker Habshi Bada Hairaan Hua! Huzoor Ke Dast-A-Anwar Choomne Laga! Huzoor SALLALLAHU-ALAIHI-WASALLAM Ne Apna Dast-A-Anwar Uske Mooh Per Fher Diya To Us Habshi Ka Syaha Rang Kafoor Hogaya! Wo Safead Pur-Noor Hogaya! Fir Us Habshi Ne Kalima Padhker Apna Dil Bhi Munavwar Kerliya! Musalman Hoker Jab Wo Apne Maalik Ke Paas Pahucha, To Maalik Ne Pucha Tum Kaun Ho? Wo Bola, Tumahra Gulam Hoon! Maalik Ne Kaha, Tum Galat Kehte Ho! Wo To Bada Syaha Rang Ka Tha, Wo Bola Yeh Thik Hain Magar Main Us Mamba-A-Noor Jaat-A-Ba-Barkat Se Milker Aur Us Per Imaan Laker Aaya Hoon! Jisne Saari Qayinaat Ko Munavwar Farma Diya Hain! Maalik Ne Saara Kissa Suna To Wo Bhi Imaan Le Aaya!
(Masnawi Sharif)
************************
SABAK:-
*******
Hamare Huzoor SALLALLAHU-ALAIHi-WASALLAM ALLAH Ki Raza Se Do-Aalam Ke Faryaad-Ras Hain Aur Musibat Ke Waqt Madad Farmane Wala Hain! Fir Agar Koi Shaks Yun Kahe Ki Huzoor Kisiki Madad Nahi Farma Sakte Aur Kisi Ki Faryaad Nahi Sunte To Wo Kis-Qadr Jaahil Wa Be-Khaber Hain! Bas Apna Aqida Yeh Rakhna Chahiye Ki-Faryaad Ummati Jo Kare Haal-A-Jaar May,Mumkin Nahi Ki Khair-A-Basher Na Ho!
************************
- Shab E Barat Kya Hai - 5th March 2022
- Health Tips Hindi - 4th January 2021
- Ramadan Hadith - 4th January 2021
