Faizane Aulia

>>SARKAR GARIB NAWAZ radiyallahu anhu ke Dusre Sahabzade HAZRAT KHWAJA HISAMUDDIN CHISHTI rehmatullah alyh Allah ki Raah me Nikal Gae, Aapka Pata kisi ko Maloom nahi. HAZRAT KHWAJA FAKHRUDDIN CHISHTI rehmatullah alayh ke ghar jab Ladka Paida hua to SARKAR GARIB NAWAZ radiyallahu anhu ne Unka Naam Apne Bete KHWAJA HISAMUDDIN rehamtullah alayh ke Naam par rakha.

>>HAZRAT KHWAJA HISAMUDDIN JIGAR SOKHTA radiyallahu anhu ne Apni puri Zindagi Ishqe Ilahi me Basar ki. Aap Faqro Faaqa se be Fiqr the, Yaha tak ke Aapne Puri Zindagi me bahot kam Khana Khaya. Aap Ishaqe Ilahi me Itne Mashgool rehte ke Aapka Sina e Mubarak (Jigar) me Ishaqe Haqiqi ki Aag Sulagti rehti thi, Isi liye Aapko JIGAR SOKHTA Yaani Jigar (Dil) Jala hua Kaha Jane Laga. Aap jis Raah se Guzarte the us Raah se kabaab ki Tarah Jalne ki Boo Aati thi.

>>Aap SULTANUL MASHAIKH SAYYEDNA KHWAJA NIZAMUDDIN AULIA MEHBOOB E ILAHI radiyallahu anhu ke Murid the aur Unhi ki Sohbat se Vaabasta rahe. Jab bhi Aapko Apne Pir o Murshid ki Ziyarat ka Shaouq Paida hota to ‘Sambhar’ ke Raaste se hi Dehli ko Jate the aur Sambhar me kuchh Din qayam farmate the. Sambhar me Aapko bahot Sukun o Itminaan mehsoos hota. Yaha tak ke Aapne Mustaqil Sukunat Sambhar hi me Ikhtiyar karli aur Visal ke Baad yahi Dafn kiye gae.

>>HAZRAT SAYYEDNA KHWAJA HISAMUDDIN JIGAR SOKHTA radiyallahu anhu ne Lambi Umr Paai. Aapki vafaat 741 Hijri me hui. Aapka Urs Sharif har Saal 11 se 14 Rajab ko Badi Shano Shaouqat se Manaya Jata he.

>>Aapka Mazar Sharif Rajasthan me Zila Jaipur, Phulera ke qarib Sambhar Naami Ilaaqe me Marjae Khalaiq he.

{Aulia e Rajasthan Number}