HIQAYAT
🌷
*********
🌺Firoan Ki Beti Ki Kangi Karne Wali Hazrat Musa Alaihi Salam Per Imaan La Chuki Thi! Ek Din Wo Kangi Kar Rahi Thi Ki Kangi Hath Se Niche Girpadi! Uske Mooh Se Be-Saakhta Nikla, Khuda Ke Kaafir Ka Bura Ho!
Firoan Ki Beti Ne Pucha! Kaunse Khuda Ka Tumne Zikr Kiya! Boli, Jis Khuda Ka Pata Musa Alaihi Salam Ne Diya! Firoan Ki Beti Taish May Aaker Boli, Kya Tum Bhi Musa Alaihi Salam Ko Maanti Ho Aur Mere Abba Ke Khuda Hone Ka Inkaar Karti Ho? Boli, Beshaq Tumahra Baap Zhoota Hain, Khuda Wahi Ek Khuda Hain! Jisne Mujhe Tujhe Aur Tumahre Baap Ko Bhi Paida Kiya Aur Musa Alaihi Salam Ko Apna Paighamber Banaker Bheja! Firoan Ki Beti Gusse May Aaker Apne Baap Ke Paas Pahuchi Aur Saara Kissa Use Suna Diya! Firoan Ne Us Momina Ladki Ko Bulaker Pucha Ki Kya Yeh Baat Sacchi Hain Jo Maine Apni Beti Se Suni Hain! Boli, Bilkul Sach Hain! Main Tujhe Hargiz Nahi Maanti! Aur Musa Alaihi Salam Ka Kalma Padhti Hoon!
Firoan Ne Jallaad Ko Bulakar Use Litaker Uske Hath Aur Pairon May Keel Thukwa Ker Use Sakht Iza Di! Fir Uski Ek Dudh-Piti Bacchi Ko Mangaker Uske Saamne Lita Ker Hukm Diya Ki Maa Ke Saamne Is Bacchi Ko Zibah Kerdo! Yeh Manzar Dekhker Momina Be-Ikhtiyar Cheekh Utthi, Usi Waqt Dudh-Piti Bacchi Ko Khuda Ne Zubaan Ata Farmayi! Aur Kehne Lagi, Aye Maa!
Mat Pareshaan Ho Tu Sabr Wa Shukr Kar,
Maine Dekha Hain Tera Jannat May Ghar!
Aye Maa! Khaberdar Apna Imaan Na Chhodna! Sabr Wa Shukr Se Meri Aur Apni Taklif Bardasht Kar! Khuda Ne Tumahre Liya Jannat May Ghar Bana Rakkha Hain! Thodi Daer Ke Baad Ham Dono Wahan Pahuchker Abdi Raahat Pa Legi!
🌺Chunanche, Zaalim Ne Dono Ko Shaheed Kerdiya!
“Inna-Lillaahi-Wa-Inna-Ilaihi-Raajioun”
(Nujjahtul-Majalis, Jild-1, Babul-Jihaad, Pg-162)
***********************
🌷SABAK🌷
*******
🌺Sabse Badi ALLAH Ki Ek Nemat Istikamat Bhi Hain Sekdon Zor Wa Zulm Hone Ke Ba-Wajudh Apne Maslak-A-Haq Per Date Rehna Bahoat Bada Jihaad Hain! Khuda Farmata Hain-
“Wo Jinohne Kaha! Rab Hamara ALLAH Hain! Fir Usper Kayam Rahe Unper Farishte Utarte Hain! Aur Na Gham Karo, Aur Khush Ho! Us Jannat Per Jiska Tumeh Wadah Diya Jata Tha”
(Para-24, Aayat-18)
🌺Huzoor SALLALLAHU-TA’AALA-ALAIHI-WASALLAM Ke Sahaba Aur Sahabiyat Ahle-Baith Ijaam Aur Unke Sadqe May Auliya-A-Kiraam Aur Sacche Musalmano May Bhi Istikamat Paayi Jati Hain! Sahaba-A-Kiraam Dushmano Ke Intehayi Majalim Hote Magar Unka Yahi Naara Hota Tha Ki-
“Jaan Jaye Maal Wa Daulat Ghar Loote,
Daaman-A-Ahmed Na Hathon Se Choote!
🌺Lekin Afsos Aajkal Bedaari Ki Khushi Haasil Karne Keliye Shari-at Ko Chhod Diya Jata Hain! Musalman Ka Shewa Yeh Hona Chahiye Ki, Ya Rasoolallah! Mere Amal Se Na Bhai Khush Hain Na Apne Khush Hain Na Baap Khush Hain, Magar Main Samajhta Hoon Ki Uski Dalil Yeh Hain Ki Aap Khush Hain!
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
