Islamic Blog

Islamic Updates




Hadith

HADEES

Hazrat Salman Farsi Kehte Hain Huzoor Ne Shaban Ke Akhri Din Waz Farmaya,,, Farmaya Ki Aye Logon Tumhare Pas Azmat Wala Barkat Wala Mahina Aaya Wo Mahina Jisme eik Raat Hazaar Mahino Se Behtar Hai,,, iske Roze Allah Ne Tum Par Farz Kiye, Aur iski Raton Me Qayam (namaz Padhna) aur jo isme Neki Ka Koi Kaam Kare To Aisa Hi Hai jaise kisi Aur Mahine Me Farz Ada Kiya…
Aur isme Jisne Farz Ada Kiya Aisa Hi Hai Jaise Aur Dino Me 70 Farz Ada Kiye…. Ye Mahina Sabr Ka Hai Aur Sabr Ka Badla Jannat Hai, aur Ye Mahina Hamdardi Ka Hai, is mahine Me Momin Ka Rizq Badha Diya jata Hai.. aur jo isme Roza Dar Ko aftar Karaye uske Gunaho Ke Liye Magfirat Hai, aur uski Gardan Aag (Dozakh) Se Azad Hogi.. aur aftar Karane Wale Ko Aise Hi Sawab Milega Jaisa roza rakhne Wale Ko Milega….. hum Ne (sahaba ne) pucha Ya Rasulullah Hum Me Har Shakhs Wo Chiz Na Pata Ki Rozadar Ko Aftar Karaye, Huzoor صلى الله عليه وسلم Ne Farmaya Allah pak Ye Sawab Har Us Shakhs Ko Bhi Dega Jo eik Ghunt Doodh Ya Eik Khajoor Ya Eik Ghunt pani Se Roza Aftar Karwaye…
Aur Jisne Rozadar Ko Bhar Pet Khana Khilaya Use Allah Pak Mere Hauz (hauze kausar) Se pilayega Aisa Ki Kabhi Pyasa Na Hoga Yahan Tak Ki Jannat Me Dakhil Hoga.. Ye Wo Mahina Hai Jiska Awwal (10 din) Rehmat, jiska Awsat (11 se 20 din) Magfirat, jiska Aakhir {21 se akhri tak) Jahannam Se Azadi Hai.. Jo is Mahine Me Apne Gulam (kaam karne wale.nokar chakar mazdoor) Par Kaam Me Takhfeef (kami) Kare Allah Tala Use Bakhsh Dega Aur Jahnnam Se Azad Farmayega.

( Shoabul Iman Jild : 3 Safha : 305 Hadees : 3608 )

Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.
mm
mm
Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.