HADEES:-
*********
Hazrat Aayesha Siddiqa Radi-Allahu-Ta’aala-Anha Farmati Hain Ki ALLAH-TA’AALA Ne Mujhe Aisi Nematon Se Nawaza Hain Jo Mere Hi Hisse May Aayi Hain! Huzoor SALLALLAHU-TA’AALA-ALAIHI-WASALLAM Ka Visaal Sharif Mere Ghar Hi May Hua, Aur Meri Hi Naubat May! Yani Jis Roz Huzoor Ko Mere Ghar Rehna Tha Usi Roz Aapka Visaal-A-Mubarak Hua! (Huzoor Ne Apni Ajwaaj-A-Mutaharaat (Paak Biwiyan) Keliye Din Mukarrar Farma Rakkhe The, Ki Fala Din Fala Ke Ghar Aur Fala Din Fala Ke Ghar Rahuga) Aur Huzoor Ka Jab Visaal Hua To Aap Mere Seene Aur Gardhan Se Takiya Lagaye Hue The! Aur Sabse Badi Nemat Jisse ALLAH Ne Mujhe Maksoos Farmaya, Wo Yeh Hain Ki Visaal Ke Waqt Mera Luab-A-Dahan (Thoonk) Aur Huzoor SALLALLAHU-TA’AALA-ALAIHI-WASALLAM Ka Luab-A-Dahan Sharif Jama Farma Diya! Aur Wo Is Tarah Ki Mere Bhai Abdur-Rehmaan Bin Abu Bakr Aaye To Unke Hath May Miswaak Thi Aur Huzoor Jo Mere Jism Se Takiya Lagaya Hua The! Huzoor Ne Miswaak Ki Taraf Dekha! Maine Samjha Ki Huzoor Ko Miswaak Pasand Hain, Chunanche, Maine Arz Ki Kya Aapke Liye Miswaak Loon? Huzoor Ne Sir-A-Anwar Se Ishara Farmaya, Haan! Maine Miswaak Leker Huzoor Ko Di! Huzoor Ne Mooh Mubarak May Daali To Wo Sakht Thi! Maine Pucha Kya Main Use Narm Kardoon? Farmaya, Haan! Maine Miswaak Ko Apne Mooh Se Chaba Ker Narm Karke Huzoor Ko Di Aur Aapne Leker Apne Mooh Mubarak May Daal Di! Is Tarah Mera Thoonk Aur Huzoor Ka Luab-A-Dahan Sharif Jama Hogaya!
(Mishkaat, Pg-539)
********************************
SABAK:-
*******
Ummul-Momineen Hazrat Aayesha Siddiqa Radi-Allahu-Ta’aala Anha Ko Saari Ajwaaj-A-Mutaharaat May Baaz Aise Imtiyaz Haasil Hain Jo Aapke Siwa Kisi May Nazar Nahi Aate! Aaj Huzoor SALLALLAHU-TA’AALA-ALAIHI-WASALLAM Ka Jo Rauza-A-Sharif Hain, Yeh Hazrat Aayesha Radi-Allahu-Ta’aala-Anha Ka Ghar Tha! Hadees Sharif May Aata Hain, Huzoor SALLALLAHU-TA’AALA-ALAIHI-WASALLAM Farmate Hain-
“Nabi Jahaan Dafn Hona Chahe, ALLAH-TA’AALA Usi Jagah Uska Visaal Farmata Hain” (Mishkaat, Pg-539)
Malum Hua Ki Huzoor SALLALLAHU-TA’AALA-ALAIHI-WASALLAM Hazrat Aayesha Radi-Allahu-Ta’aala-Anha Hi Ke Ghar Dafn Hona Chahte The! Hazrat Aayesha Se Takiya Lagaye Hue Huzoor Ne Hazrat Aayesha Hi Ke Ghar Visaal Farmaya Aur Wahin Aapki Qabr Sharif Bani! Jiski Badaulat Hazrat Aayesha Ka Ghar Marja Khalayik Bangaya!
ALLAH-ALLAH Aayesha Ka Itna Uncha Hain Makaam,
Hashr Tak Un Hi Ke Ghar May Hain Mohammad Ka Kayaam!
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
