Islamic Blog

Islamic Updates




Islamic Information

HAZRAT ABDULLAH

Ye hamare Huzoor Rehmate Aalam SALLALLAHU TA’ALA ALLAIHI WA SALLAM ke walid maajid hai . ye Abdul Muttalib ke tamaam Beto me sab se ziyada walid ke Laadle aur pyare the , chunke in ki peshaani me NOOR E MUHAMMADI Apni puri shaan o shaukat ke sath jalwa gar tha , is liye Husn o khoobi ke pekar aur Jamaal e Soorat o Kamaal e seerat ke Aaina daar aur iffat o paarsaai me yaktaye rozgaar the . Qabila e Quresh ki tamaam Haseen Auraten un ke Husn o Jamaal par Farefta aur un se Shaadi ki khuwastegaar the , Magar Abdul Muttalib un ke liye 1 aisi Aurat ki Talaash me the jo Husn o Jamaal ke sath sath Hasab o Nasab ki sharafat , aur iffat o paarsaai me bhi mumtaaz ho , Ajeeb ittifaaq ke 1 din hazrat Abdullah shikaar ke liye Jangal me tashrif le gaye , Mulk e Shaam ke Yahoodi chand Alamato se paihchaan gaye the ke NABI e AAKHIRUZ ZAMAN ke walid e maajid yahi hai , chunaanche un yahoodiyo ne Hazrat Abdullah ko baadha Qatl kar daalne ki koshish ki …. Is martaba bhi yahoodiyo ki 1 bahut badi jamat Musallah ho kar is niyat se jangal me gayi ke hazrat ABDULLAH ko tanhai me dhoke se Qatl kar diya jaye , Magar ALLAH TA’ALA ki hifaazat ne is Martaba bhi Apne Fazl o Karam se bacha liya , Aalam e ghaib se chand aise sawaar Achanak namoodaar huye jo is duniya ke logo se koi Mushabahat hi nahi rakhte the , un sawaaro ne Aakar yahoodiyo ko maar bhagaya aur hazrat Abdullah ko ba hifaazat un ke Makaan tak phuncha diya . “WAHAB BIN MUNAAF” bhi us din jangal me the aur unhone Apni Aankho se ye sab kuch dekha is liye un ko hazrat Abdullah se be inteha Muhabbat o Aqeedat paida ho gayi , aur ghar Aakar ye Azm kar liya ke Mai Apni Noor e Nazar “AAMINA” ki SHADI hazrat ABDULLAH hi se karungga . chunaanche Apni is dili tamanna ko Apne chand dosto ke zariye hazrat Abdul Muttalib tak punhcha diya . Khuda ki shaan ke hazrat Abdul Muttalib Apne Noor e Nazar hazrat Abdullah ke liye Jaisi Dulhan ki talaash me the , wo saari khoobiya Aamina bint e wahab me mojood thi .hazrat Abdul Muttalib ne is rishte ko khushi khushi manzoor kar liya , chunaanche 24 saal ki umr me Hazrat Abdullah ka Hazrat bibi Aamina se Nikaah ho gaya , aur Noor e MUHAMMADI Hazrat Abdullah se muntaqil ho kar Hazrat bibi Aamina ke Shikam e Athar me jalwa gar ho gaya . Aur jab Hamal sharif ko 2 mahine pure ho gaye to hazrat Abdul Muttalib ne Hazrat Abdullah ko khajoore le ne ke liye MADINA bheja ya tijarat ke liye Mulk e Shaam rawana kiya , waha se wapas laut,te huye Madine me Apne walid ke nanhyaal “BANU ADI BIN NAJJAAR” me 1 mahina bimaar reh kar 25 baras ki umr me wafaat pa gaye aur wahi “DAAR E NABIGHA” me madfoon huye .
(Zarqaani Alal Mawaahib J 1 Pag 101, Madaarij ,J 2 Pag 14)

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.