Islamic Blog

Islamic Updates




Sahaba

Hazrat Bilal (Radhiallahu Anhu) ki kahani, un ki zubani

Main Bilal hon! Habsha k siya fam ghulam Rubah ka siya fam baita, ghulam ibne ghula! Ghulami mai ankh kholi, ghulami mai pala barha, ghulamon ki makhsoos sooch k saath jawan howa, ghulamon ki tarha bar bar baicha aur kharida giya.
Main Bilal, Umiya ka zar kharid ghula, aap ko un dinon ki batain sunana chahta hon ju shuru se aakhir tak hairat o istijab k din thay. 22 saal tak is ghulam ne us fiza mai sans liya jis mai Allah k aakhiri nabi, Muhammad(PBUH) k saanson ki mehak thi. Ju unhon ne kaha mai ne suna, ju unhon ne kiya mai ne dekha.
GHULAMI K DAGH.
Aaj mai apni zindagik 60 saal mai hon, 28 saal ghulami k, 22 saal shehenshai k aur 10 saal yadon k. Umiya aik raat ghulam khane mai aaya aur us ne mujh se barahe raast sawal kiya:
“Sach sach bata tera maabood kon hai?”
“Muhammad (PBUH) ka maabood mera maabood hai!”
Maira jawab sunte hi is k tan badan mai jaise aag lag gai magar shaid who is jawab k liye tayyar tha. Kehne laga:
“Tu is ka matlab yeh hai k tu hamare khudaon se inkar karta hai?”
Umiya mujhe tukre tukre karne ki dhamki daite howe ghulam khane se bahar chala giya.Is waqe k baad ab rooz ka yeh maamool ho giya tha k mujhe dupeher ko ghulam khane se bahar nikala jata aur dhoop mai jalti rait par lita kar maire seene par tapti hui bhari bhari chitane rakh de jatink mai hil bhi na sakon.Isi halat mai umiya mujh par koore barsata aur mujhe majboor karta k mai us k khudaon ko tasleem karon. Meri kamar pe pehle chale bane ju aik do roz mai zakham ban gaye jin se khoon rasta rehta tha. Magar umiya ne mere maamool mai faraq na ane diya bulke har roz is ki shiddat mai izafa hota giya.Har roz mere liye guzishta din ki rait se ziada garam rait talash ki jati, pehle se ziada wazni chitane dhoondi jatinaur pehle se ziada koron ki zarben. Har roz mai marne k qareeb ho jata magar Umiya k sawalon mai AHAD AHAD k siwa kuch na kehta. Aik din us ne tang aa kar mujhe aik raat aur aik din bhooka rakha aur phir mujhe garam rait par lita kar marna shuru kar diya magar chitano k niche daba daba bhi main us k jawab mai “Ahad Ahad” hi duhrata raha.
Banu jumah k saare muhalle ko ilm tha k Bilal ki islah ki ja rahi hai. Jab dhoop aur koron ki saza kargar na hoi tu Umiya ne mere gale mai rassi baandh kar mujhe banu jumah k larkon k hawale kar diya. Bachche saara din cheekhte cheelate, qehqahe lagate mujhe Makkah ki unchi neechi pathrili sarkon par khinche phirte. Un k qehqahon ki mai meri cheekh o pukar kisi ko sunai na daiti.Bachchon ko aik dilchasp mashghala haath aa giya tha. Who rassi se meri gardan ko jhatka daite tu mai gir parta aur phir sab mil kar mujhe ghaseetne lagte. Main uthne ki koshish karta thookren marte. Pehle zakham bharne bhi na paate k phir khul jate. Mera jism lahi lahan ho jata. Dopeher k baad jab saara Makkah tap uthta tu who mere kapre uterwa kar mujhe lohe ki zara pehna daite aur dhoop mai daal daite. Aik din unhon ne mujhe dehekte howe koilon par laita kar mere seene per aik bhaari pathar rakh diya, aaj bhi mere jism per un koilon k daagh hai. Soraj dhalte hi mere haath paaon bandh kar mujhe ghulam khane ki farsh pe phaink diya jata.
Roz Makkah wale mera yeh tamasha dekhte the. Tamasha kab tamashai ko daikhta hai magar aik zaif shakhs mujhe yaad hai aur main use kabhi nahi bholon ga Warqa bin Nofel. Aik din unhon ne Umiya ko mukhateb ho k kaha jab ke mai rozammara ki tarha chitanon tale daba howa tha k:
“Main khuda ki qasam kha kar kehta hon k agar tu ne ise mar dala tu mai is ki qabar par dargah taameer karon ga.”
Magar Umiyah baaz na aaya. Aik din us ne qatai faisla kar liya k aaj ki raat Bilal ki aakhiri raat ho gi, Kal subha us ki aakhiri subha ho gi, Shadid tareen aziyaten aur phir maut!
Mujhe buhut aziyaten di gain agle roz aur jab mai behal ho giya tu wahan Hazrat Abu Bakar aye, unhon ne Umiyah se 2 soo mai mera soda kiya. Aur yun mai aazad huwa.

Book name: BILAL
Writer: Saleem Gillani.

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.