Islamic Blog

Islamic Updates




PATTHER MAY AADMI
Sahaba

HAZRAT IBRAHIM ALAIHE AS SALAM

BISMILLAH HIR RAHEMANIR RAHIM

HAZRAT IBRAHIM ALAIHE AS SALAM

Aziz Dosto ,… Hazrat Ibrahim Alaihe As Salam Hi Woh Waahid ( Akeli ) Hasti Hai Jin Ke Zariye ALLAH TA – ALA Ne Boot Parssti Aur Sutaara Parasti Jaise Fitno Ka Khatma ( Raddh )Farmaya . Aur Iss Gumrahi Ki Jadh’he Kaat Di Aur Innhe Jhutha ( Batil ) Thhaheraya . ALLAH TA – ALA Ne Bachpan Se Hazrat Ibrahim Alaihe As Salam Ki Danaayee ( Sochne Samajhne Ki Sahi Kuwat Ya Taaqat ) At’aa Kar Di Thi . Aur Jab Hazrat Ibrahim Alaihe As Salam Jawaan Huve Toh Aap Ko Risaalat ( Naboowat ) Ke Mansab Par Faayez Kiya Ya Risaalat Ka Mansab ( Ohda ) At’aa Farmaya Kar Apna Khalil ( Dost ) Ban Ne Ka Sharf At’aa Farmaya .

ALLAH TA – ALA IRSHAAD FARMATA HAI

TARJUMAA :”Aur Yaqinan Ham ne At’aa Farmayee Thi Ibrahim Ko Inn Ki Danaayee Iss Se Pahele , Aur Ham ! Inn Ko Khoob Jaante The .”( Yaani Ki Woh Iss Muqaam Aur Martabe Ke Laayeq The )

Hazrat Ibrahim Alaihe As Salam Ka Ziqr Karte Huve ALLAH TA – ALA Qur’an Majeed Me Irshad Farmata Hai

TARJUMAA :”Aur Ibrahim Ko Yaad Karo , Jab Aap Ne Farmaya Apni Qaum Ko Ibaadat Karo ALLAH TA – ALA Ki Aur Uss Se Darrte Raha Karo Ye Hi Tumhare Liye Behter Hai Agar Tum Jaante Ho , Tum Toh Pooja Karte Ho ALLAH TA – ALA Ko Chhodh Kar Booto ( Murtiyo ) Ki , Aur Tum Ghadhhaa Karte Ho Jhuthh . Beshaq Jin Ko Tum Poojte Ho ALLAH TA – ALA Ko Chhodh Kar Woh Malik Nahi Tumhare Rizq Ke , Toh Talab Karo ALLAH TA – ALA Se Rizq Ko , Aur Uss Ki Ibaadat Kiya Karo Aur Uss Ka Shuqr Adaa Kiya Karo , Usi Ki Taraf Tum Lautaaye Javoge .

Aur Agar Tum Jhuthhlate Ho To Jhuthhlaya ( Apne Nabiyo Ko ) Inn Ummato Ne Bhi Jo Tum Se Pahele Thi , Aur Rasoolo Par Farz Nahi Bazaz ( Siwaaye ) Iss Ke Ki Woh ( ALLAH Ka Huqum ) Saaf Taur Par Pahoocha De , Kya Inhone Ne Kabhi Nahi Dekha Ki Kis Tarha ALLAH TA – ALA Aagaaz ( Shuruwat ) Farmata Hai Paidaah Karne Ka Fir WOH Kis Tarhaa Aa’aadah ( Muqammal ) Karta Hai . Bilaa – subaah Ye Baat ALLAH TA – ALA Ke Liye Bahut Aasaan Hai .

Farmayeeye Sair – O – Siyaahat ( Ghoomna Firna ) Karo Zameen Me Aur Gaur Se Dekho Ki Kis Tarha Iss Ne Khalq Ki Ibtidaa Farmayee , Fir ALLAH TA – ALA Paidaah Framayega Dusri Baar , Beshaq ALLAH TA – ALA Har Cheez Par Puri Qudrat Rakhta Hai . Sazaa Deta Hai Jise Chaheta Hai Aur Rahem Karta Hai Jsi Par Chaheta Hai . Aur Isi Ki Tarfa Tum Fere ( Lautaye ) Javoge , Aur Nahi Ho Tum Bebas ( Aa’aziz ) Karne Wale ( ALLAH TA – ALA Ko ) Zameen Me ( Bhaag kar ) Aur Na Aasmaan Me ( Panaah Le Kar ) , Aur Nahi Hai Tumhare Liye ALLAH TA – ALA Ke Siwaa Koi Dost Aur Madadgaar .

Aur Jin Logo Ne Inqaar Kiya ALLAH TA – ALA Ki Aayat Ka Aur Iss Ki Mulaaqat Ka Woh Log Mayoos Ho Gaye Hai Meri Rahemat Se , Aur Ye Hi Log Hai Jin Ke Liye Azaab Aleem ( Dardnaak ) Hai . Aap Ki Qaum Se Koi Jawaab Na Ban Paya Bazaz ( Bajaaye ) Iss Ke Ki Innhone Kaha Ise ( Hazrat Ibrahim Alaihe As Salam Ko ) Qatal Kar Dalo Ya Ise Jalaa Do , Toh Bacha Liya Ise ALLAH TA – ALA Ne Aag Se .

Beshaq Iss Waqeye ( Qisse ) Me Nishaani Hai Inn Logo Le Liye Jo Imaan Laye Hai , Aur Hazrat Ibrahim Alaihe As Salam Ne Kaha Ki Tum Ne Bana Liya Hai ALLAH TA – ALA Ko Chhodh Kar Booto Ko Baahmi Mohabbat ( Aur Pyaar ) Ka Zariya Iss Duniyavi Zindagi Me . Fir Qayaamat Ke Din Tum Inqaar Karoge Eik Dusre Ka , Aur Fattqaar ( Laanat ) Bhejoge Eik Dusre Par Aur Tumhara Thhikana Aatish ( Jehannum ) Hoga . Aur Nahi Hoga Koi Tumhara Madadgar . Toh Imaan Le Aaye Inn Par Hazrat Looth ( Alaihe As Salam ) . Aur Ibarahim Ne Kaha”Main ! Hijrat Karne Wala Hu Apne RAB Ki Taraf , Beshaq Woh Hi Sab Par Gaalib Aur Bada Daata ( Dene wala ) Hai .

Aur HAM Ne At’aa Farmaya Aap Ko Is’haq ( Jaisa Beta ) Aur Yaqoob ( Jaisa Potaa ) , Aur Ham Ne Rakh Di Inn Ki Aulaad Me Naboowat Aur Kitaab Aur Ham Ne Diya Inn Ko Inn Ka Azar Iss Duniya Me , Aur Bilaa – subaah Aakhirat Me Saalehin (Nek Logo Ke Zumre) Me Hoge .”

I am noor aqsa from india kolkata i love the islam and rules i am professional blogger and also seo expert learn islam with us.
mm
mm
I am noor aqsa from india kolkata i love the islam and rules i am professional blogger and also seo expert learn islam with us.