Hazrat Tawakkal Mastaan Shaah Suharwardi rahmatullāhi alaihi

****************
Aap Hazrat Baaba Fakhr-ud-deen Suharwardi rahmatullāhi alaihi (Penukonda) ke mureed aur khalifa hain.

****************
Sultaan Haidar Ali ke zamaane me Kalasipalyam ke puraane qile taameer ke dauraan Hazrat Tipu Mastaan, Hazarat Manik Mastaan aur Hazrat Tawakkal Mastaan pura din qile me kaam karte aur raat ko masjid me chale jaate aur apne kaam ka muawaza nahi lete the. Haidar Ali ne tehqeeqaat ke liye afsar bheja. Wo afsar jab raat ke waqt masjid me pahuncha to us ne dekha ke masjid ke darwaaze par 2 kutte pehra de rahe hain aur andar ek insaan ka jism 3 alag alag hisso me pada hai.

Sultaan Haidar Ali ko jab is baat ka pata chala to us ne subah ko in hazraat ki khidmat me haazir hokar dua ke liye arz ki. Aap sab ne Haidar Ali ke liye kaamyaabi aur kaamraani ki dua farmaai.

*****************
Aap ka wisaal 19 Safar ko hua.

Aap ka mazaar Cottonpet, Bangalore (Karnataka) me hai.

****************
ALLĀH ta’ala us ke Habeeb sallallāhu alaihi wa sallam ke sadqe me
Aur Hazrat Tawakkal Mastaan Shaah Suharwardi rahmatullāhi alaihi aur tamaam Auliya Allāh ke waseele se
Sab ko mukammal ishq e Rasool ata farmae aur Sab ke Eimaan ki hifaazat farmae aur Sab ko nek amal karne ki taufiq ata farmae.
Aur Sab ko dunya wa aakhirat me kaamyaabi ata farmae aur Sab ki nek jaa’iz muraado ko puri farmae.
Aameen.