Imam Hussain R.A. aur koofa ka waqiya.

Hazrat Imaam Hussain (Radi Allahu
Anhu) Ko Koofa Ki Rawaangi Ki
Khaber-Pak Ibne Zyaad Ne Hur Ibne Rubahi Ki Kyadat
May Ek Lashker Aage Bhej Diya Tha !
Hur Ibne Rubahi Mard-A-Saeed Ne
Hazrat Imaam Hussain (Radi Allahu
Anhu) Ko Mashwara Diya Ki Wo
Masturaat Ka Bahana Farmaker
Raat Ko Ahlehda Utre
Aur Raat Hi Ko Kahin Tashrif Lejaye ! Chunanche,
Hazrat Imaam Hussain (Radi Allahu Anhu)
Ne Yahi Kiya! Raat Ko Jab Yazidi Lashker
Sogaya To Aapne Wahan Se Kooch Kiya !
Andheri Raat May Malum Na Hua Ki Kidhar
Ja Rahe Hain! Subah Ko Ek Maidaan
Haulnaak May Pahuche ! Yahan Utre
To Is Maidaan May Jis Jagah Maekh (Tend)
Gaadte Zamin Se Khoon Nikalta!
Jis Darakht Se Lakdiyan Todte Khoon Tapakta!
Yeh Haal Dekhker Hazrat Imaam Hussain
(Radi Allahu Anhu) Ne Pucha Ki Tum
Mayse Kisiko Is Dasht (Jungal) Ka Naam
Malum Hain! Ek Ne Kaha Ki Ise Maarya
Kehte Hain ! Farmaya, Ki Shayed Koi Dusra
Naam Bhi Ho! Logon Ne Kaha Ki Ise
Qarbala Bhi Kehte Hain! Yeh Sunker
Aapne Farmaya..
“Zamin Qarbala Yahi Hain Hamare Khoon Ki
Behne Ki Jagah Yahi Hain, Ab Hum Yahan
Se Kahin Nahi Ja Sakte!”
Dushman Yahan Pe Khoon Hamara
Bahayega, Zinda Yahan Se Hum Na
Kabhi Fir Ke Jayege,
“Aal-A-Nabi Ka Hoga Isi Ja Pe
Khathma, Sab Tishna Lab Yahan Pe Sir
Apna Katayege, Karb Wa Bala
Naam Hain Isi Sir-Zamin Ka, Bacche
Yahan Pe Pani Ka Katra Na Payege,
Hoga Har Ek Shaheed Yahan Mustafa
Ka Laal, Aur Laash, Qatl-ga Se Hum
Sabki Layege !!!

“Ali Akbar (Radi Allahu Anhu) Ne Arz Kiya
Abbajaan ! Aap Kya Farma Rahe Hain?
Farmaya, Beta Tere Dadajaan
Ali Murtuza Siffin Jate Hue Yahan Tehre
The Aur Bade Bhai Hasan (Radi Allahu Anhu)
Ke Jaanu Per Sir Rakhker Soye! Main
Sirhaane Khada Tha Ki Rote Hue Uthe!
Bade Bhai Ne Rone Ka Sabab Pucha
To Farmaya, Maine Abhi Khwab May Is
Jagah Hussain Ko Dariya-A-Khoon
May Doobta Hua, Pau Maarta Hua,
Aur Faryaad Karta Hua Dekha Hain Magar
Koi Uski Faryaad Nahi Sunta! Fir Mujhse
Farmaya, Beta! Jab Tujhe Is Jagah Wakiya
Darpesh Hoga To Tu Us Waqt Kya Karega?
Maine Arz Kiya Ki Sabr Karuga ! Isper Farmaya,
Beta ! Aisa Hi Karna Ki Sabr Karne Walon Ka
Sawab Be-Shumaar Hain!
Yeh Farmaker Aapne Asbaab Utarwaya Aur
Neher-A-Furaath Ke Paas Khema Nasb
Farmaya ! Us Din Moharram Ki
(2-Tarik Thi Aur, Hijri Ka-61wa Saal)

( Tazkira Page-61 )

SABAK:- Dasht-A-Qarbala Ajl Hi Se
Hazrat Imaam Hussain (Radi Allahu
Anhu) Keliye Imtihaan-ga Mukarrar Ho
Chuka Tha! Hazrat Ko Khud Bhi Apne
Is Imtihaan Dene Ka Ilm Tha!
Aur Yeh Aap Hi Ki Shaan Aur Aap Hi Ka
Hissa Hain Ki Is Zabardast Imtihaan Keliye
Aap Har Tarah Se Taiyyar The !
Aapne Paye Isteqbaal Aur Azm Wa
Sibaat May Jarra Barabar Bhi Lagjish
Na Aane Di ! Yani Aap Apne Pakke Irade
Se Nahi Dagmagaye !!!….

***SUBHAN ALLAH***