Islamic Blog

HADEES:-
*********
Hazrat Abu Saeed Khudri Radi-Allahu-Ta’aala-Anhu Se Marwi Hain, Hazrat Osama Bin Zaid Radi-Allahu-Ta’aala-Anhu Ne Ek Mahina Ke Karz Per 100 Dinaar May Laundi Kharidi, Jab Huzoor SALLALLAHU-TA’AALA-ALAIHI-WASALLAM Ne Suna To Farmaya, Tumeh Taajjub Nahi Hua, Osama Ne Ek Mahine Ke Karz Per Laundi Kharidi Hain! Uski Ummidain Bahoat Lambi Hain, Rabbe Juljalaal Ki Kasam Main Aankhen Kholta Hoon To Mujhe Itni Ummid Nahi Hoti Ki Palkhen Ek Dusre Se Milegi Ya ALLAH-TA’AALA Isse Pehle Meri Rooh Kabz Kerlega, Main To Nigah Uthane Ke Baad Nigah Ke Wapsi Ki Ummid Nahi Rakhta, Lukma Mooh May Daalker Use Chabane Tak Zindagi Ki Ummid Nahi Rakhta! Fir Irshad Farmaya, Aye Logon! Agar Tum Akalmand Ho To Apne Aapko Murdon May Shamil Samjho, Rabbe Juljalaal Ki Kasam Jiske Kabza-A-Qudrat May Meri Jaan Hain Tumper Ek Waqt-A-Mukarrar (Maut) Aayega Jisko Tum Taal Nahi Sakoge!

(Mukashfatul Kulub, Pg-167)

Asalam-o-alaikum , Hi i am noor saba from Jharkhand ranchi i am very passionate about blogging and websites. i loves creating and writing blogs hope you will like my post khuda hafeez Dua me yaad rakhna.
mm