Mahfum-e-Hadees: Nabi-e-Kareem (Sallallahu Alaihi Wasallam) Farmatey Hai –
# 1). Kisi Qoum Me Behayayi Is Qadar Fayl Jaye Ke Wo Khullam Khulla Iska Irtiqaab Shuru Kar Dey,
Tou Allah Inko Tawoon(Epidemic Disease) Ki Bimaar Me Mulawwis Kar Deta Hai,..
(Tawoon Se Muraad Aisi Bimariya Jisme Sekdo Logo Ki Mout Ek Sath Aajati Hai),.
Aur Aisi Bimariyo Me Allah Mulawwis Karega Jo Is Se Pehle Tumne Kabhi Nahi Suni Hongi,..
{ Subhan’Allah ! Aaj Behayayi Ka Kya Muamla Hai,. Bataney Ki Jarurat Nahi,.. Zinaa Ka Aam Hona, Khawatin Ke Kapde Kum Ho Jana, Gair Fitri Jinsi Tallukat Ka Aam Hona, Ye Sab Behayai Ki Surte Hai,..
Allah Bachaye Hume In Fitno Se ,.. }
Aagey Aap Faramatey Hai –
# 2). Aur Jab Log Maal (Naaptol) Me Kami Karna Shuru Kar Denge,
Tou Allah Kehatsaali Daal Dega, .. Mehangaayi Laa Dega,. Aur Hukumraan Zaalim Ho Jayenge,..
{ 3 Azab Me Allah Mulawwis Kar Dega Jab Hum Maal(Naptol) Me Kami Jyadti Karne Lagenge Tou Kehatsaal Yaani Sukha Pad Jayega, Mehangaayi Ko Aam Kar Dega Allah Aur Zaalim Hukumraan Musallat Kar Diye Jayenge.. }
# 3). Aur Jab Log Apni Maalo Ki Zakaat Ko Rok Letey Hai,
Tou Allah Baarish Ko Barsana Band Kar Deta Hai,.
{Yaad Rahe Barish Ka No Hona Azaab Hai, Aur Ye Azaab Aksar Tab Aata Hai
Jab Log Apni Zakaat Shariyat Ke Mutabik Ada Nahi Karte}
# 4). Jab Log Allah Aur Uske Rasool Ke Ahad(Waade) Ka Paas Nahi Karenge
Tou Allah Unpar Bairune-Dushman Ko Tasallud Kar Deta Hai ,
Aur Wo Inki Sarwat Ka Ek Hisssa Insey Chinn Leta Hai ,..
{Aaj Aalame Insaniyat Ka Yahi Haal Hai Ke – Humne Masiyat Aur Gunaho Ko Itna Ikhtiyar Kiya Ke
Allah Ne Humpar Aise Bairune Dushman Ko Tasslud Kiya Ke –
Aaj Kamaatey Hum Hai, Tel Hum Nikalte Hai Lekin Uska Bhaw Bairune Mulk Me Baithkar Koi Aur Taiy Karta Hai.
Humare Rupaye (Currency) Ka Bhaaw Wo Tay Karte Hai Ke Doller Ke Mukable Aaj Me Kitna Hoga …”
Isiko Capitalism Kehte Hai, Jisme Insano Par Sidhey Hukumat Nahi Kiya Jata Lekin Pura Finance Apne Control Me Rakha Jata Hai ,.. Tou Ye Hota Hai Jab Ita’ate Rasool Chorr Di Jati Hai Tou Bairune Dushman Ko Allah Musallat Kar Deta Hai .. }
– ( Sunan Ibn Majah, Hadith No. 3262)
♥ Allah Reham Kare!!!
*Allah Hume Gunaah Aur Maasiyat Se Bachaye ,..
*Hume Kitabo Sunnat Ka Muttabey Banaye ,..
*Jab Tak Hume Zinda Rakhey Islam Aur Imaan Par Zinda Rakhey…
*Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!
- Allah subhanahu se Magfirat aur Aafyiat manga karo kyuki - 14th June 2017
- Sajda e Tilawat ki dua - 14th June 2017
- Bewaon aur miskeenon ke kaam aaney wala - 14th June 2017
