Islamic Blog

HIQAYAT:-
**********
Hazrat Imaam Shafayi Rehmatullah Ta’aala Alaihi Ne Ek Shaks Ko Macca Moazzama May Dekha Jo Pehle Isayi Tha Aur Ab Musalman Ho Chuka Tha! Imaam Shafayi Ne Usse Pucha Ki Tere Musalman Hone Ka Sabab Kya Hain? Wo Bola, Main Ek Safar May Tha Ki Hamari Kishti Tut Gayi Aur Pani Ki Maujon Ne Use Ek Aise Jazeere May Le Jaker Daal Diya Jisme Phal-Fhool Aur Saaf Sutre Pani Ki Nehren Jari Thi! Maine Us Jazeere Per Saara Din Gujara, Raat Hui To Kya Dekhta Hoon Ki Ek Chaupaya Jiska Sir Shutur-Murg Ke Sir Jaisa Hain Aur Chehra Aadmi Ka Sa! Uske Hath-Pau Unth Ke Se The Aur Doom Machli Ki Si! Wo Bulandh Awaaz Se Keh Raha Tha Ki Khuda Ke Siwa Koi Pooja Ke Layak Nahi Aur Mohammad SALLALLAHU-TA’AALA-ALAIHI-WASALLAM Uske Barguzida Rasool Hain! Abu-Bakr Unke Yaar-A-Gaar, Umar Futuhat Ke Maalik, Usmaan Shaheed Aur Ali Kaafiron Per Khuda Ki Talwar Hain! Unke Dushmano Per Khuda Ki Maar Ho! Main Yeh Manzar Dekhker Darker Bhaagne Laga To Usne Kaha, Taher Ja Aur Ek Kadam Bhi Aage Mat Rakhna Warna Abhi Halaak Hojayega! Fir Meri Taraf Mutawajjah Hoker Kehne Laga, Tera Deen Kya Hain? Maine Kaha, Isayi! Usne Badi Narmi Se Kaha Tu Musalman Hoja Tamaam Aafaton Se Mehfuz Rahega! Chunanche, Main Musalman Hogaya Fir Usne Kaha, Khoob Yaad Rakh Ki Tera Islam Abu-Bakr, Umar, Usmaan, Ali ki Mohabbat Rakhne Ki Wajahse Takmil Ko Pahuchega! Maine Usse Pucha Ki Yeh Baatain Tumeh Kaise Malum Hui? Wo Bola, Main Jinn Hoon Aur Hamari Ek Jamaat Hain Jo Huzoor SALLALLAHU-TA’AALA-ALAIHI-WASALLAM Per Imaan La Chuki Hain, Yeh Sab Baatain Hamari Jamaat Ne Huzoor Ki Zubaani Suni Hain!

(Nujjahtul Majalis Jild-2,Pg-366)

********************************
SABAK
*******
Huzoor SALLALLAHU-TA’AALA-ALAIHi-WASALLAM Ke Charon Yaaron Ki Mohabbat Wa Ulfat Insaano Aur Jinno Ke Dilon May Bhi Hain Lekin Shart Yeh Hain Ki Islam Maujudh Ho!

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm