HIQAYAT:-
*********
Hazrat Abu-Talha Radi-Allahu-Ta’aala-Anhu Baaher Safar May The Ki Aapki Gair-Haaziri May Aapke Ladke Ka Intekaal Hogaya! Abu-Talha Radi-Allahu-Ta’aala-Anhu Jab Ghar Wapas Aaye To Pucha Ladka Kaisa Hain? Aapki Biwi Umme-Salim Ne Jawab Diya Ki Aaraam May Hain! Yeh Kehker Abu-Talha Radi-Allahu-Ta’aala-Anhu Ke Aage Khana Rakha! Jab Khane Se Farig Hue To Umme-Salim Boli Ek Masla To Batayen! Mere Paas Agar Koi Amanat Rakhi Ho Aur Kuch Dino Ke Baad Wo Shaks Apni Amanat Wapas Talab Kare To Kya Mujhe Wapas De Dena Chahiye Ya Nahi? Hazrat Abu-Talha Radi-Allahu-Ta’aala-Anhu Farmane Lage Yeh Bhi Koi Puchne Ki Baat Hain? Fauran Wapas De Dena Chahiye! Umme-Salim Ne Kaha Aur Wapas Deker Uska Koi Ranj Wa Gham To Nahi Karna Chahiye! Abu-Talha Radi-Allahu-Ta’aala-Anhu Bole Nahi! Wo Boli To Fir Suniye Hamara Ladka Khudawandh Karim Ne Hame Amanat Di Thi Wapas Le Li Hain! Ladke Ka Intekaal Hogaya Hain! Ab Sabr Kijiyega! Hazrat Abu-Talha Radi-Allahu-Ta’aala-Anhu Ne Yeh Sunker Sabr Kiya! Raat Gujarne Ke Baad Subha Huzoor SALLALLAHU-TA’AALA-ALAIHI-WASALLAM Ki Khidmat May Haazir Hue Aur Huzoor Se Saara Maajra Arz Kiya! Huzoor SALLALLAHU-TA’AALA-ALAIHI-WASALLAM Ne Farmaya Khuda Ta’aala Aaj Ki Raat Tumahre Liye Ba-Barkat Kare! Chunanche, Abu-Talha Radi-Allahu-Ta’aala-Anhu Ko Khuda Ne Ladka Ata Farmaya, Jab Paida Hua To Abu-Talha Radi-Allahu-Ta’aala-Anhu Use Huzoor SALLALLAHU-TA’AALA-ALAIHI-WASALLAM Ki Bargah May Laye! Huzoor SALLALLAHU-TA’AALA-ALAIHI-WASALLAM Ne Uski Peshani Per Hath Mubarak Fhera Aur Uska Naam Abdullah Rakha! Abdullah Jabtak Zinda Raha Huzoor Ke Hath Mubarak Fherne Ki Jagah Yani Peshani Bahoat Noorani Aur Roshan Nazar Aati Thi!
(Hujjatul Alal-Aalamin Pg-580)
*********************************
SABAK:-
********
Sahaba-A-Kiraam Radi-Allahu-Ta’aala-Anhu Mard Aur Auratain Sabhi ALLAH Ki Raza Per Razi The! Unke Mooh Se Kabhi Koi Khilaaf-A-Shar-a Awaaz Na Nikalti Thi! Yeh Bhi Malum Hua Ki Sahaba-A-Kiraam Radi-Allahu-Ta’aala-Anhum Musibat Ke Waqt Apna Dukh-Dard Bayaan Karne Keliye Huzoor SALLALLAHU-TA’AALA-ALAIHI-WASALLAM Ki Bargah May Haazir Hote The! Huzoor SALLALLAHU-TA’AALA-ALAIHI-WASALLAM Ki Duaon Se Mustafiz Hote The! Yeh Bhi Malum Hua Ki Huzoor SALLALLAHU-TA’AALA-ALAIHI-WASALLAM Na Sirf Yeh Ki Khud Noor Hain Balki Noor Ata Farmane Wale Bhi Hain!
Jo Bhi Aata Hain Liye Jata Hain Thoda Noor Ka!
Noor Ki Sarkar Hain Kya Usme Thoda Noor Ka!
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
