Islamic Blog

HIQAYAT
*********
Hazrat Shafiq Rehmatullah Ta’aala Alaihi Se Ek Rayis Ne Kaha Ki Main Chahta
Hoon Ki Aapko Bahoatsa Maal De Doon Taaki Aap Be-Fikr Hojaye! Aapne
Farmaya, Main To Be-Fikr Hi Hoon Aur Apne Khuda Per Nazar Rakhta Hoon! Haan
Agar Tumse Lena Shuru Kerdiya To Badi Mushkil Hojayegi! Main Tumse Kuch
Isliye Lena Nahi Chahta Ki 5 Aib Tum May Aise Hain Jo Mujhe Daraate Hain!
Agar Wo Aib Tum May Na Hote To Shayed Le Leta!

Ek To Yeh Tera Khazana Kam Hojayega!
Dusra Yeh Ki Mumkin Hain Ise Chor Churaker Le jaye!
Tisra Yeh Ki Mumkin Hain Ki Tu Deker Fir Pachtaye!
Chauta Yeh Ki Tum Shayed Mera Koi Aib Dekhker Mujhse Kehne Lago Ki Mera
Maal Lauta Do!
Panchwa Yeh Mumkin Hain Ki Tum Marjao Aur Main Tumahre Baad Muflis Hojaoun!

Lekin Haan! Albatta Mera Jo Khuda Hain Wo In Sab Aibon Se Paak Hain Aur
Be-Aib Hain!

(Tazkiratul Auliya Pg-241)

*********************************
SABAK
********
ALLAH Walon Ki ALLAH Per Nazar Rehti Hain! ALLAH Apne Maqboolon Ke Sab Kaam
Pure Farma Deta Hain! Uneh Maal Dena Aur Ahle Duniya Ki Parwah Nahi Hoti!
Malum Hua Ki Yahi ALLAH Wale Dar-Asl Gani Wa Amir Hain!

Jineh Maal-A-Duniya Hi Ki Dhoon Wa Fikr Lagi Rehti Hain, Har Waqt Uske Gham
May Rehte Hain! Dar-Asl Wahi Mohtaaj Wa fakir Hain!

Yeh Bhi Malum Hua Ki ALLAH Wale Duniya Wa Ahle Duniya Se Rukh Moadker ALLAH
Ki Taraf Daudte Hain! Duniya Wa Ahle Duniya Unki Taraf Daudte Hain! Goya Jo
Rab Ka Hojaye Rab Uska Hojata Hain! Jiska Rab Hojaye Sab Uska Hain!

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm