Islamic Blog

SULTAN E DECCAN KHAJA BANDANAWAZ GEUSODARAZ
رضی الله تعالی عنه

KITAAB: ROOH-e-TASAWWUF

Qist no.1:-

IFAADAAT

HAZRAT KHWAJA SAYYAD MUHAMMAD MUHAMMAD AL’HUSSAINI SHAIBAZ BULANDPARWAZ BANDA E HAQ BANDANAWAZ GEUSODARAZ
REHMATULLHI TA’ALA ALAIH

✏ NAAM O NASAB:

Sultaan-ul-Urafaa’,
Imaam-ul-Awliyaa’,
Sayyad-ul-Saadaat Hazrat Makhdoom Sayyad Muhammad Hussaini Geusodaraaz
♡Rehmatullhi Ta’ala alaih♡
Hazrat Imaam Zain-ul-‘Aabideen
رضی الله تعالی عنه
ki awlaad amjaad mein se hain…
Apka silsilah nasab baayisvaan (22th) sutoon se Huzoor Risaalat-e-Ma’aab ﷺ tak pahunchta hai…

Apka ism-e-giraami – Muhammad. Kuniyat – Abul Fatah. Laqab – Sadar-ud-deen, dilli Al-Akbar As-Saadiq Hai.
Deccan mein aap aam taur par Khwaja Banda Nawaaz Geusodaraaz (Rehmatullhi Ta’ala Alaih) ke naam se mashoor hain….

Us zamaane mein saadaat ki ye nishaani thi ke wo sar ke baalon ko barhaaya karte. Apki kaaklein chunki khoob daraaz thin isliye Geusodaraaz ke naam se mashoor hogaye aur yeh lafz aapke naam ka juz bangaya.

Hazrat Shah Abdul Haq Muhaddis Dehlvi ♡Rehmatullhi Ta’ala Alaih♡ ne likha hai ke Aapke Geuso-e-mubarak zaano tak daraaz the ek roz Aap apne Sheikh ki paalki kandhe par liye jaarahe the chalte chalte Aapke Geuso-e-mubarak paalki ke paayah mein phans gaye.
Fart-e-adab se Sheikh ki savaari ko rokna gavaara na kiya. Is waaqi’ah ki ittelaa’ Hazrat Sheikh ko hovi to izraah shafqat irshaad farmaaya-

“HAR KE MUREED SAYYAD GEUSODARAAZ SHUD,
WALLAH KHILAAF NEEST KE AD ISHQ BAAZ SHUD”

Aapke waalid-e-maajid Sayyad Yusuf Hussaini Urf Sayyad Rajah Hain. Chunke Aapne apne nafs ke saath poora poora jihad kiya Karte the isliye Aapka naam Rajo qitaal Deccan mein mashoor hai..

Hazrat Sayyad Yusuf Saahab Sultaan-ul-Mashaykh Hazrat Khwaja Nizaam-ud-deen Awliya Mehboob-e-Ilaahi ♡Rehmatullhi Ta’ala Alaih♡ se bayt the..
Hazrat Khwaja Naseer-ud-deen Mehmood Chiraagh Dehlvi Rehmatullhi Ta’ala Alaih ke fuyooz se bhi maalamaal the.

Zamana Jaan’ta Hai Tu Bada Dildar Hai Khawaja,,,,

Teri Banda Nawazi Se Kise Inkar Hai Khawaja,,,,

Hidayat Ke Safine Kaa Tuje Sultan Kahate Hai,,,,

Arab Wale Bhi Tuje Shahenshah E Hindustan Kahete Hai….

Dua ka Talib:-

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm