Islamic Blog

Islamic Updates




Hadith

KUFL-A-JAHANNAM

HIQAYAT:-
**********
Hazrat Abdullah Bin Salam Radi-Allahu-Ta’aala-Anhu Ne Ek Dafa Hazrat Umar Radi-Allahu-Ta’aala-Anhu Ke Bete Hazrat Abdullah Radi-Allahu-Ta’aala-Anhu Se Kaha, Aye Kufl-A-Jahannam (Jahannam Ka Tala) Ke Bete! Hazrat Abdullah Apne Walid-A-Majid Ke Mutallik Yeh Jumla Sunker Bade Pareshan Hue Aur Ghar Jaker Hazrat Umar Radi-Allahu-Ta’aala-Anhu Se Kaha, Abbajaan! Abdullah Bin Salam Ne Aapko Kufl-A-JahannamKaha Hain! Hazrat Umar Ne Yeh Baat Suni To Abdullah Bin Salam Ke Paas Pahuche! Daryaft Farmaya Ki Aapne Mere Haq May Yeh Lafz Kyon Istemaal Farmaya? Hazrat Abdullah Bin Salam Kehne Lage Iski Wajah Yeh Hain Ki Mujhe Mere Baap Ne Aur Uneh Unke Purkhon Ne Hazrat Musa Alaihi Salam Se Khaber Di Hain Ki Hazrat Musa Alaihi Salam Ne Farmaya, Mujhe Zibrayil Ne Khaber Di Hain Ki Paighamber-A-Aakhiruzzama Hazrat Mohammad Mustafa SALLALLAHU-TA’AALA-ALAIHI-WASALLAM Ki Ummat May Ek Shaks Paida Hoga Jise Umar Bin Khattaab Kaha Jayega! Wo Mubarak Shaks Jabtak Ummat-A-Mohammadiya May Rahega Tabtak Jahannam Ka Darwaza Bandh Rahega! Goya Wo “Kufl-A-Jahannam” Hoga, Lekin Jab Uska Intekaal Hojayega To Jahannam Ka Darwaza Khul Jayega Aur Log Apni Nafsani Khwaish May Mubtala Hoker Idhar-Udhar Pareshaan Hoker Bikhar Jayege!

(Nujjahtul Majalis Jild-2, Pg-318)

*********************************
SABAK
*******
Hazrat Umar Radi-Allahu-Ta’aala-Anhu Ki Zaat-A-Girami Per Gustakhi Karne Wala Apne Uper Jahannam Ka Kufl Kholta Hain!

mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.