MERAJ SHAREEF - PART 3 - Islamic Blog

==========================================================
WAQIYA MERAAJ AHADIS NABVI KE UJALE ME
=======================================
Inem se munajaat,raviyat,ILAHI,
——————–——————–
Imamate AMBIYA ,SIDRATUL MUNTAHA tak urooj
=========================================
Uske baad burraq hume dusre aasmaan tak le gya JIBRAIL ALLAIHS`SALAM ne darwaza kholne ke liye kaha to awaaz ayi aap kaon hai? Jawab diya mai JIBRAIL hu .pucha aapke sath kaon hai ? jawab diya ke mere sath SAYYADNA MOHAMMAD SALLALLAHU TA`ALA ALAIHI WA SALLAM hai mazeed pucha gya ke kya unhe bulaya gya hai? Jawaab diya .ha bulaya gya hai .chunacha darwaza khool diya gya .NABI KAREEM SALLALLAHU TA`ALA ALAIHI WA AALHI WA SALLAM farmate hai ke dono khala zaad bhai yani HAZRAT ISA aur HAZRAT YAHYA ALLAIHUMAS SALAM waha tashreef farma the .un dono ne mujhe marhaba kaha aur khair o barkat ki duaye di .
Iske baad burraq hume (tisre)3 asmaan tak le gya aur pichle asmaano wala muamla waha bhi pesh aya yani usi tarah sawaal wa jawab hue .akhri kaar jab darwaza khola gya to waha HAZRAT YUSUF ALLAIHS`SALAM ko tashreef farma paya .jinhe nisf-a-husn ata farmaya gya tha unhone mujhe marhaba kaha aur mere liye khair o barkat ki dua ki .aza baad burraq hume (Chaothe) 4 asmaan tak le gya aur waha bhi misl-a-sabiq sawaal jawab hue darwaza khulne per maloom hua ke waha HAZRAT IDREES ALLAIHS`SALAM tashreef farma hai unhone mujhe marhaba kaha aur khair o barkat ki duaye di .unke bare me ALLAH TA`ALA ne farmaya hai “aur humne usko buland makan per utha liya ”
(SHIFA SHAREEF JILD 1 SAFA 269-270)

Utaar ker unke rukh ka sadqa ye noor ka bat raha tha bada
Ke chand suraj machal machal ker jabeen ki khairat mangte the.
Wahi to ab tak chalak raha hai wahi to joban tapak raha hai
Nahane me jo gira tha pani katore taroon ne bhar liye the.
SUB HAN ALLAH