MOHARRAM-UL-HARAM WAQIYA PART 10

HAZRAT IMAM MUSLIM RADI ALLAHU TA`ALA ANHU jab kufa ko tashreef le gye to apne dono nanhe bacche HAZRAT MOHAMMAD aur HAZRAT IBRAHEEM RADI ALLAHU TA`ALA ANHUM ko bhi apne sath le gye the. ibn-a-ziyaad HAZRAT IMAM MUSLIM RADI ALLAHU TA`ALA ANHU ke qatl se farig hua to use pata chala ke IMAM MUSLIM RADI ALLAHU TA`ALA ANHU ke do ladke bhi isi shaher me hai. ibn-a-ziyaad ne faoran ailaan kar diya ke jo koi bhi MUSLIM ke ladko ko apne ghar me jagah dega qatl wa garat kiya jayega.is waqt dono bacche qazi shuraih ke ghar me the. qazi shuraih sahab ne dono baccho ko saamne bulaya aur be ikhtiyaar rone lage. baccho ne pucha aaj is tarah rone ka sabab kiya hai? kiya hum dono yateem to nahi ho gye? qazi sahab ne farmaya: baccho”ALLAH TA`ALA tumhe sabr ata farmaye. waqayi tum dono yateem ho gye ho. baccho ne ye khabar suni to rone lage. qazi sahab ne kaha baccho chup raho ibn-a-ziyaad ke aadmi tumhari talash me hai, mujhe tumhari aur apni jaan ka khaof hai. mai chahta hu ke tumhe kisi ke sath MADEENA rawana kar du.
Qazi sahab ne apne ladke asad se kaha ke aaj ek kafila darwaazaa iraaqain se MADEENA ko ja raha hai. tu in baccho ko kisi nek aadmi ke supurd kar aa taaki wo unhe MADEENA pahucha de. asad jab unhe lekar darwaazaa iraaqain aya to kaafila rawaana ho chuka tha. door dhul udti nazar aa rahi thi. asad ne baccho se kaha ke wo kafila ja raha hai, daodkar usse mil jao. bekas bacche kafile ki taraf daod pade magar kafila door ja chuka tha. isliye kafile ko na pa sake .asad ghar ko wapas aa chuka tha.
( tazkira safa 48 sacchi hiqayat hissa doyem bab 6 page no 362-363)