yazidiyo ne jab her tarah se HAZRAT IMAM HUSSAIN RADI ALLAHU TA`ALA ANHU se ladna hi chaha to HAZRAT IMAM HUSSAIN RADI ALLAHU TA`ALA ANHU bhi AMAMA-A-RASOOL bandhkar ZULFIKARE HAIDARE KARAR(HAZRAT ALI RADI ALLAHU TA`ALA ANHU ki talwaar) hath me lekar aur ghode per sawaar hokar maidaan me tashreef le aye.ibn-a-saad ke lashkar ke kareeb hokar farmaya a iraaq walo tum khoob jante ho mai NAWASA-A-RASOOL (SALLALLAHU TA`ALA ALLAIHI WA SALLAM) farzand BATOOL aur dil bande (farzand) ALI MURTAZA aur biradre HASAN MUJTABA HU .dekho ye amama kiska hai?gaor karo ki isai ab tak nishaan paye ISA ko bosa dete hai.garz her deen wa millat ke log apne peshwao ki yaadgaar ko dost rakhte hai. mai tumhare RASOOL ka nawasa hu ALI sher-a- KHUDA ka farzand hu. agar tum mere sath koi sulook nahi kar sakte to kam-se-kam mujhe katl hi na karo.btao tumne kis wajah se mera aur mere ahle wa ayaal ka pani band kar rakkha hai?kiya maine tum se kisi ka khoon kiya hai? ya kisi ki jageer zabt ki hai?jiska badla tum mujhse le rahe ho.tumne khud mujhko yaha bulaya aur ab ye acchi meri mahmaan nawazi kar rahe ho? zara socho ki tum kiya kar rahe ho?
Aap ye takreer farma hi rahe the ke kheme se rone ki awaaz ayi.aap ne lahool padi aur HAZRAT ABBAS AUR ALI AKBAR se farmaya tum jakar sabko rone se mana karo aur kaho zara sabr karo ki abhi tumhe bahut rona hai.dono HAZRAAT ne AHLE HARAM ko rone se baaz rakkha,HAZRAT IMAM HUSSAIN RADI ALLAHU TA`ALA ANHU ne fir ibn-a-saad se khitaab farmaya:” a kufiyo tumhe mera hasb wa nasb(KHAANDAAN ) maloom hai? jiska misl aaj roye zameen per nahi hai. fir soch lo ke tumne khud hi mujhe khutoot likhkar bulaya hai aur ab mere khoon ke pyaase ho.dekho ye tumhare khutoot hai.HAZRAT IMAM HUSSAIN RADI ALLAHU TA`ALA ANHU ne khutoot dikhaye to un bewaafao ne inkaar kar diya aur kaha ye hamare khutoot nahi hai HAZRAT IMAM HUSSAIN RADI ALLAHU TA`ALA ANHU ne unke jhoot se hairaan hokar farmaya: BAHAMDULILLAH hujjat tamam hue. mujhper koi hujjat na rahi.
(TAZKEERA SAFA 70 SACCHI HIQAYAT HISSA DOYEM BAB 6 PAGE NO 376-377)
SABAK
======
HAZRAT ALI MAKAM RADI ALLAHU TA`ALA ANHU akhir tak yahi chahte the ki ye log apni bewafayi se baaz aye aur mere khoon na haq se hath na rage magar un badbakhto ke naseeb bure the.
RADI ALLAHU TA’ALA ANHUMA
To be continued…………………………………..
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
