HAZRAT IMAM HUSSAIN RADI ALLAHU TA`ALA ANHU ke sahab zaade HAZRAT ALI AKBAR RADI ALLAHU TA`ALA ANHU jab maidaan me tashreef laye to dushman ke lashkar me ek sannata cha gya. HAZRAT ALI AKBAR 18 saal ki umar shareef rakhte the.aapka husn wa jamal wa jalal dekhkar dushman muthayyar ho gye. HAZRAT ALI AKBAR RADI ALLAHU TA`ALA ANHU maidaan me pahcuhe aur rizzkhwaani karne lage. aapke samne koi na aya to aapne khud hi dushman ke lashkar per hamla kar diya aur dushman ko titar bitar kar diya der tak ladte rahe aur fir pyaas lagne lagi ki wajah se HAZRAT IMAM ki khidmat me hazir hue aur pyaas ka zikr kiya. HAZRAT IMAM HUSSAIN RADI ALLAHU TA`ALA ANHU ne unke chehre ka gard wa gubaar saaf karke RASOL ALLAH SALLALLAHU TA`ALA ALLAIHI WA SALLAM ki anghothi unke muh me dal di jiske chusne se unhe tasqeen hue. fir maidaan me aye. aksar ko jahennum bheja. fir aap ek martaba HAZRAT IMAM HUSSAIN RADI ALLAHU TA`ALA ANHU ke huzoor aye aur pyaas ka zikr kiya to HAZRAT IMAM HUSSAIN RADI ALLAHU TA`ALA ANHU ne us waqt ro kar farmaya jan-a-pidar. gum na kha ankareeb tum haoz-a-kaosar per sairaab hoge. HAZRAT ALI AKBAR RADI ALLAHU TA`ALA ANHU ye basharat sunkar fir maidaan ki taraf tashreef laye aur dushman ke lashkar me ghus kar bahuto ko jahennum pahuchaya. jab dushman ne dekha ki yu aap per kabu nahi pa sakte to unhonen aapko charo taraf se gher liya. ek zail ibn-a- numair ne aapko ek aisa teer mara ki apki pusht-a-mubarak se paar ho gya, aap ghode se gir gye. us waqt aapne HAZRAT IMAM HUSSAIN RADI ALLAHU TA`ALA ANHU ko pukara aur farmaya .YA ABBA JAAN apne ALI AKBAR ki khabar lijiye. HAZRAT IMAM HUSSAIN RADI ALLAHU TA`ALA ANHU ne apne lakht-a-jigar ki ye awaaz suni to aap daode. maidaan me jakar dekha ki HAZRAT ALI AKBAR RADI ALLAHU TA`ALA ANHU zakhmo se chur zameen per gire hue hai .HAZRAT IMAM HUSSAIN ne waha baithkar bete ka sir apne jano per rakkha fir HAZRAT ALI AKBAR RADI ALLAHU TA`ALA ANHU ne ankhe khol kar kaha abba jaan wo dekhiye dada jaan 2 piyaale sharbat ke liye khade hai aur mujhe 1 de rahe hai. mai kaihta hu ki mujhe dono dijiye ki bahut pyaasa hu. wo farmate hai ki ek tu pi dusra tera baap HUSSAIN RADI ALLAHU TA`ALA ANHU ke liye hai ke wo bhi bahut pyaasa hai. ye pyaala wo akar piyega. ye kaha aur aap wahi raahi-A-jannat ho gye.
INNA LILLAHI WA INNA ILAHI RAJIOON
(SACCHI HIQAYAT HISSA DOYEM BAB 6 PAGE NO 385-386)
SABAK
======
HAZRAT IMAM HUSSAIN RADI ALLAHU TA`ALA ANHU ne karbala me bahut bada imtehaan diya aur apne us imtehaan me wo bahut badi kamyabi hasil ki.
RADI ALLAHU TA’ALA ANHUMA
To be continued………………………………………..
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
