HIQAYAT:-
**********
Ek Makaam Per Huzoor SALLALLAHU-TA’AALA-ALAIHI-WASALLAM Ne Wazu Farmaya To Hazrat Bilal Radi-Allahu-Ta’aala-Anhu Ne Wazu Se Bacha Hua Pani Le Liya! Digar (Aur Dusre) Sahaba-A-Kiraam Ne Jab Dekha Ki Hazrat Bilal Radi-Allahu-Ta’aala-Anhu Ke Paas Huzoor SALLALLAHU-TA’AALA-ALAIHI-WASALLAM Ke Wazu Ka Bacha Hua Pani Hain, To Hazrat Bilal Radi-Allahu-Ta’aala-Anhu Ki Taraf Daude Aur Us Muqaddas Pani Ko Haasil Karne Ki Koshish Karne Lage! Jis Kisi Ko Us Pani Se Thoda Pani Miljata Wo Use Apne Mooh Per Mal Leta Aur Jis Kisi Ko Na Mil Saka To Usne Kisi Dusre Ke Hath Se Tari Leker Mooh Per Hath Fher Leta!
(Mishkaat Sharif Pg-65)
****************************
SABAK:-
********
Sahaba-A-Kiraam Radi-Allahu-Ta’aala-Anhu Ko Har Us Chiz Se Jise Huzoor SALLALLAHU-TA’AALA-ALAIHI-WASALLAM Se Koi Nisbat Haasil Hogayi, Mohabbat Wa Pyaar Tha Aur Use Wajib-A-Taazim Samajhte The! Usse Barkat Haasil Karte The! Malum Hua Ki Tabarruk Koi Nayi Baat Aur Biddat Nahi Balki Sahaba-A-Kiraam Ka Bhi Mamul Tha! Yeh Bhi Malum Hua Ki Apne Wazu Ke Bache Hue Pani Ko Bataur Tabarruk Leker Apne Chehron Per Mal Lene Ka Hukm Huzoor SALLALLAHU-TA’AALA-ALAIHI-WASALLAM Ne Nahi Diya Magar Sahaba-A-Kiraam Fir Bhi Aisa Karte The! Unki Mohabbat Ki Wajahse Tha Jo Ain-Imaan Hain! Isi Tarah Huzoor SALLALLAHU-TA’AALA-ALAIHI-WASALLAM Ne Juloos, Milaadh, Mehfil-A-Milaadh Azaan May Naam-A-Pak Sunker Anghute Choomne Ka Hukm Agar Na Bhi Diya Ho To Bhi Jo Shaks Mohabbat Ki Wajahse Aisa Karega Insha-Allah-Wa-Ta’aala Sahaba-A-Kiraam Ke Sadqe May Sawab Payega!
*******************************
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
