Islamic Blog

HIQAYAT:-
**********
Tauraat Ke Ek Aalim Ne Jiska Naam Mujer Tha! Ek Martaba Hazrat Ali Se Pucha Ki Mere kuch Sawalon Ke Jawab Dijiye!
Hazrat Ali Ne Farmaya, Pucho, Kya Puchte Ho?
Usne Pucha- Batayiye,

(1)Wo Kaunsa Mard Hain Jiska Na Baap Hain Na Maa?

(2)Wo Kaunsi Aurat Hain Jiska Na Baap Hain Na Maa?

(3)Wo Kaunsa Mard Hain Jiski Maa To Hain Lekin Baap Nahi?

(4)Wo Kaunsa Patther Hain Jisne Jaanwar Paida Kiya?

(5)Wo Kaunsi Aurat Hain Jisne Ek Hi Din May 3 Ghadiyon May Baccha Jan Diya?

(6)Wo Kaunse Dost Hain Jo Aapas May Kabhi Dushman Na Banege?

(7)Wo Kaunse Dushman Hain Jo Aapas May Kabhi Dost Na Banege?

Hazrat Ali Radi-Allahu-Anhu Ne Farmaya, Lo Ab Sunlo!

(1)Wo Mard Jiska Na Baap Hain Na Maa Hazrat Aadam Alaihi Salam Hain!

(2)Wo Aurat Jiska Na Baap Hain Na Maa Hawwa Radi-Allahu-Ta’aala-Anha Hain!

(3)Wo Mard Jiski Maa Hain Lekin Baap Nahi Hazrat Isa Alaihi Salam Hain!

(4)Wo Patther Jisne Jaanwar Paida Kiya Wo Patther Hain Jisse Hazrat Saleh Alaihi Salam Ki Unthni Paida Hui!

(5)Wo Aurat Jisne Ek Hi Din May 3 Ghadiyon May Baccha Janaa Hazrat Maryam Hain Jinko Ek Ghadi May Hamal Tehra, Dusri Ghadi May Dard Zeh (Baccha Paida Hone Ke Waqt Dard) Paida Hui! Tisri Ghadi May Isa Alaihi Salam Paida Hogaye!

(6)Wo Dost Jo Kabhi Aapas May Dushman Na Banege, Jism Aur Rooh Hain!

(7)Wo 2 Dushman Jo Kabhi Aapas May Dost Na Banege Maut Aur Hayaat Hain!

Mujer Ne Jawab Sunker Kaha Wakayi Aye Ali! Tumne Sahi Jawab Diya! Wakayi Tum Baab-A-Madinatul Ilm Ho!

(Jaami-Ul-Moajizaat Pg-23)

********************************
SABAK:-
********
Madinatul-Ilm Ke Baab Ke Ilm Se Pata Chalta Hain Ki Madinatul-Ilm SALLALLAHU-TA’AALA-ALAIHI-WASALLAM May Koi Aisi Shai Nahi Jo Na Ho

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Aafreen Seikh
Latest posts by Aafreen Seikh (see all)