Islamic Blog

HIQAYAT:-
**********
Hazrat Imaam Aazam Radi-Allahu-Ta’aala-Anhu Ke Mukhalif (Appose) Mayse Ek Shaks Ne Aapse Pucha, Aapka Fathwa Ek Aise Shaks Ke Baare May Kya Hain Jo Jannat Ka Umidwar Na Ho Aur Na Dozak Se Darta Ho Aur Na Khuda Se! Murdar Khata Hain Aur Be-Ruku Sajudh Ke Namaz Padhta Aur Bin Dekhe Gawahi Deta Hain, Sacchi Baat Ko Na-Pasand Karta Hain, Fithne Ko Dost Rakhta Hain, Rehmat Se Bhaagta Hain! Yahudi Aur Nasara Ki Tasdik Karta Hain!
Imaam Aazam Alaihir-Rehmaan Ne Apne Shagirdon Se Farmaya Ki Aise Shaks Ke Baare May Tum Kya Kehte Ho? Un Logon Ne Jawab Diya Ki, Aisa Shaks Bahoat Hi Bura Hain! Yeh Sifaat To Kaafir Ki Hain!

Aapne Tabassum Farmaya Aur Irshad Farmaya Nahi Balki Aisa Shaks To ALLAH Ka Dost Aur Momin Kaamil Hain!
Fir Aapne Us Shaks Se Kaha Ki Agar Main Iska Jawab Bata Du To Tu Meri Badhgoi Se Baaz Rahega? Usne Wadha Kiya Ki Haan! Aapne Farmaya Ki Wo Rab-A-Jannat Ki Ummid Rakhta Hain Aur Rab-A-Naar Se Darta Hain, Aur ALLAH Se Is Baat Ka Khauf Nahi Karta Ki Wo Usper Zulm Karega! Murda Machli Khata Hain, Janaze Ki Namaz Padhta Hain! Nabi-A-Karim SALLALLAHU-TA’AALA-ALAIHI-WASALLAM Per Durud Padhta Hain Aur An-Dekhi Baat Per Gawahi Dene Ke Yeh Mayine Hain Ki Wo ALLAH Ko Bin Dekhe Uski Gawahi Deta Hain Aur Wo Maut Ko Na-Pasand Karta Hain Jo Haq Hain Taaki Zinda Rehker ALLAH Ki Farma-Bardari Kare! Aur Maal Wa Aulaad Fithna Hain Jisko Dost Rakhta Hain! Wo Rehmat Jisse Bhaagta Hain, Baarish Hain! Yahudi Ki Is Baat May Tasdik Karta Hain Ki Nasara Kuch Nahi Aur Nasara Ki Is Baat May Tasdik Karta Hain Ki Yahudh Kuch Nahi, Jab Us Shaks Ne Yeh Pur-Magz Aur Muskith Jawab Suna To Khada Hua Aur Hazrat Imaam Sahab Ke Sir-A-Mubarak Ka Bosa Diya Aur Kaha Ki Main Kasam Khaker Gawahi Deta Hoon Ki Aap Haq Per Hain!

(Jawahirul Bayaan Fi-Tarjamatil Khairatil Hassaan Pg-48)

************************
SABAK:-
*********
Hamare Imaam Aazam Radi-Allahu-Ta’aala-Anhu Ko Khuda Ta’aala Ne Deen Ki Aisi Samajh Ata Farmayi Thi Ki Bade-Bade Mushkil Masayil Jinko Koi Hal Nahi Ker Sakta Tha! Aap Pal-Bhar May Hal Ker Lete The! Aapki Deen Ki Soojh-Bhoojh Ka Loha Gair Bhi Maante The!
************************

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm