HIQAYAT:-
**********
Bani-Israyil May Ek Nek Namazi Khatoon Thi! Badh-Kismati Se Uska Shohar Bada Zaalim Shaks Tha Aur Apni Biwi Ko Namaz Se Rokta Tha! Maar-Peet Ke Ba-Wajhud Wo Khatoon Namaz Na Chodti! Shohar Ne Usse Bezaar Hoker Ek Tazwiz Sochi Taaki Biwi Ko Kisi Tarah Namaz Se Roka Jaye! Usne Kuch Maal Apni Biwi Ko Deker Kaha Ki Isko Ghar May Mehfuz Jagah Rakh Do! Jab Maangu Tab Dena! Kuch Din Ke Baad Shohar Ne Wo Maal Chupke Se Uthaker Dariya May Fhek Diya! ALLAH AJJOWAJJAL Ki Qudrat Se Wo Maal Ek Machli Ne Nigal Liya! Wo Machli Ek Machuare Ke Jaal May Aagayi, Aur Fir Bikne Keliye Bazaar Aayi! Husn-A-Ittefaaq Se Wahi Machli Uske Shohar Ne Kharidi, Aur Pakane Keliye Ghar Le Aaya! Us Nek Khatoon Ne Pakane Keliye Machli Ka Pet Chaak Diya! Wo Maal Pet Se Ber-Aamad Hogaya! Wo Saara Muamla Samajh Gayi! Behr-Haal Us Aurat Ne Wo Maal Ek Mehfuz Jagah Per Rakh Diya! Shohar Ne Apni Tazwiz Ke Mutabik Biwi Se Maal Talab Kiya! Biwi Ne Wo Maal Nikaalker Shohar Ke Hawale Kerdiya! Maal Ke Milne Per Shohar Bahoat Hairaan Hua Ki Maal To Maine Dariya May Fhek Diya Tha! Yahan Wapas Kaise Aagaya? Zalim Shohar Ne Socha Isme Zarur Aurat Ki Koi Chalaaki Hain, Usne Is Wakiye Se Ders, Ibrat Haasil Karne Ke Bajaye Apni Biwi Ko Jalte Tannoor May Daal Diya Taaki Jal Jaye! Tannoor May Girte Hi Nek Namazi Khatoon Ne ALLAH AJJOWAJJAL Ki Bargah May Ilteja Ki, Aye ALLAH! Main Hamesha Namaz Padhti Rahi Hoon, Aaj Namaz Ke Sadqe Meri Laaj Rakhle! ALLAH-TA’AALA Ne Uski Dua Kabul Ki Aur ALLAH AJJOWAJJAL Ke Hukm Se Tannoor Ki Aag Fauran Thandi Hogayi Aur Wo Namazi Khatoon Namaz Ki Barkat Se Zinda Bach Gayi!
(Nujjahtul Majalis)
- Allah subhanahu se Magfirat aur Aafyiat manga karo kyuki - 14th June 2017
- Sajda e Tilawat ki dua - 14th June 2017
- Bewaon aur miskeenon ke kaam aaney wala - 14th June 2017
