HIQAYAT:-
*********
Hazrat Shafiq Balkhi Rehmatullah Alaihi Ek Martaba Haroon Rashid Se Mile! To Baadshah Haroon Rashid Ne Arz Ki, Huzoor! Mujhe Kuch
Nasihat Farmayiye, Hazrat Shafiq Balkhi Ne Farmaya-
(1)Khuda Ta’aala Ne Tujhe Siddiq-A-Akbar Ke Makaam Per Bithaya Hain! Wo Chahta Hain Ki Tum Sidq-Wa-Raasti Se Kaam Lo!
(2)Usne Tujhe Farookh-A-Aazam Ke Makaam Per Bithaya, Wo Chahta Hain Ki Tum Haq Wa Baatil May Fark Karo!
(3)Usne Tujhe Usmaan Gani Ke Makaam Per Bithaya Hain! Wo Chahta Hain Ki Tum Sharm Wa Haya Ko Apnao!
(4)Usne Tujhe Ali Murtuza Ke Makaam Per Bithaya Hain! Wo Chahta Hain Ki Tum Adal Wa Ilm Se Kaam Lo!
Haroon Rashid Ne Arz Ki, Ki Kuch Aur Farmayiye, To Hazrat Shafiq Balkhi Ne Farmaya-
ALLAH-TA’AALA Ne Ek Ghar Banaya Hain Jiska Naam Jahannam Hain! Tujhe Usne Uske Darwaze Per Bithaya Hain Isliye Taaki Tum Logon Ko Jahannam Se Dur Rakho! Usse Dur Rakhne Keliye Khuda Ne Tujhe 3 Chizen Di Hain! Maal, Durra Aur Talwar! Tujhe Hukm Diya Hain Ki Mere Bande! Logon Ko Us Ghar Se Un 3 Chizon Se Dur Rakh, Jo Mohtaj Aaye Use Maal De Aur Jo Shari-at Ki Itte-a Na Kare Use Durre Ke Sath Muti-a Bana Aur Jo Na-Haq Qatl Kare Uska Talwar Ke Sath Faisla Ker!
Hazroon Rashid Ne Kaha, Huzoor! Kuch Aur Bhi Farmayiye! Farmaya, Tum Dariya Ho, Tumahre Aamaal Nehren Hain! Tum Agar Saaf Hoge To Nehren Bhi Saaf Rahegi! Dariya Hi Agar Ganda Hogaya To Nehren Bhi Gandi Hojayegi!
(Nujjahtul Majalis Jild-2,Pg-52)
*********************************
SABAK:-
********
Sahab-A-Iqtedar Ki Zimmedariyan Badjati Hain! Use Kadam-Kadam Per
Mohtaat Rehna Padta Hain! Apne Bujurgon Ke Nakshe-Kadam Per Chalna Padta Hain! Yeh Bhi Malum Hua Ki Badon Ke Akhlaak Wa Atwaar Ka Choton Per Asar Padta Hain! Isliye Badon Ko Accha Aur Nek Banna Chahiye!
- मिसवाक के फायदे | मिस्वाक | Miswak Benefits - 9th April 2021
- BANGALORE RAMADAN TIMING 2021 - 8th April 2021
- HYDERABAD RAMADAN TIMING 2021 - 8th April 2021
