Islamic Blog

Islamic Updates




Dua

NIRALI DUA

HIQAYAT:-
*********
Hazrat Maroof Karkhi Rehmatullah Ta’aala Alaihi Ek Roz Jamaat Ke Sath Kahin Ja Rahe The Ki Aapne Dajla Ke Kinare Jawaano Ki Ek Jamaat Dekhi Jo Fisk Wa Fujoor May Mubtala Thi! Aapke Sathiyon Ne Arz Ki, Huzoor Inke Liye Dua Kijiye Taaki Khuda-A-Ta’aala­ In Sab Badhmashon Ko Halaaq Kerde Aur Inki Nuhusat Failne Na Paye! Hazrat Maroof Karkhi Rehmatullah Ta’aala Alaihi Ne Farmaya Ki Hath Uthao Main Dua Karta Hoon Tum Sab Aameen Kehna!

Chunanche, Sabne Hath Uthaye Aur Aapne Dua Ki, Ilaahi! Jis Tarah Tune Inko Is Jahaan May Aish Wa Ishrat May Rakha Hain! Isi Tarah Inko Us Jahaan May Bhi Aish Wa Ishrat May Rakh! Aapki Is Dua Per Sathiyon Ne Taajjub Kiya Aur Iski Wajah Puchi To Aapne Farmaya, Ki Zara Tehro! Mera Maqsad Abhi Jaahir Hojata Hain!

Chunanche, Thodi Daer Ke Baad Is Jamaat Ki Nazar Zyon Hi Hazrat Maroof Per Padi To Unohne Baaje-Gaaje Thod-Fhod Daale Aur Sharaab Fhenk Di! Zor-Zor Se Rone Lage! Sab Aaker Hazrat Ke Kadmon May Girpade! Hazrat Maroof Ne Apne Sathiyon Se Farmaya Ki Dekh Liya Tumne Ki Muraad Haasil Hogayi Bagair Iske Ki Yeh Gark Ho Ya Uneh Koi Taklif Pahuche!

(Tazkiratul Auliya, Pg-330)

***************­***************­**
SABAK:-
*******
Bujurgon Ki Duaon Se Kaya Palat Jati Hain! Jo Kaam Teer Wa Talwar Se Nahi Hosakte Wo Kaam Kisi ALLAH Wale Ki Nazar Aur Dua Se Fauran Hojata Hain!

As-salam-o-alaikum my selfshaheel Khan from india , Kolkatamiss Aafreen invite me to write in islamic blog i am very thankful to her. i am try to my best share with you about islam.
mm
mm
As-salam-o-alaikum my self shaheel Khan from india , Kolkata miss Aafreen invite me to write in islamic blog i am very thankful to her. i am try to my best share with you about islam.