Islamic Blog

HIQAYAT
.
Ek Din Siddiq-A-Akbar Radi-Allahu-Ta’aala-Anhu Hazrat Maula Ali Radi-Allahu-Ta’aala-Anhu Ki Taraf Dekhker Muskuraye! Maula Ali Radi-Allahu-Ta’aala-Anhu Ne Daryaft Kiya, Janab Mujhe Dekhker Aap Muskuraye Kyon? Siddiq-A-Akbar Radi-Allahu-Ta’aala-Anhu Ne Farmaya, Aye Ali! Mubarak Ho Mujhse Huzoor SALLALLAHU-TA’AALA-ALAIHI-WASALLAM Ne Farmaya, Ki Jabtak Ali Kisi Ko Pulsirat Se Guzarne Ki Chutti Na Dega Tabtak Wo Pulsiraat Se Guzar Na Sakega!
.
Isper Hazrat Maula Ali Radi-Allahu-Ta’aala-Anhu Bhi Muskura Pade Aur Farmaya, Aye Khalifatul Muslimeen! Aapko Bhi Mubarak Ho! Mujhse Huzoor SALLALLAHU-TA’AALA-ALAIHI-WASALLAM Ne Farmaya, Ki Aye Ali! Tum Us Shaks Ko Pulsiraat Ki Raahdari (Parwana) Hargiz Na Dena Jiske Dil May Abu-Bakr Ki Adawat Ho, Balki Usi Ko Dena Jo Abu-Bakr Ka Muhibb (Mohabbat Karne Wala) Ho!
.
(Nujjahtul Majalis, Jild-2, Pg-306)

.
SABAK
.
Hazrat Ali Radi-Allahu-Ta’aala-Anhu Ki Mohabbat Wa Gulaami Se Kuch Faida Jab Hi Haasil Hosakta Hain Jabki Siddiq-A-Akbar Radi-Allahu-Ta’aala-Anhu Ki Mohabbat Dil May Ho Warna Bara-A-Naam Mohabbat-A-Ali Kisi Kaam Ka Nahi!

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Aafreen Seikh
Latest posts by Aafreen Seikh (see all)