Islamic Blog

Islamic Updates




Hadith

Qayamat ke din Jab tak Banda inn 5 Sawalo ke Jawab Nahi dega Uske Qadam harkat Nahi karenge

*Qayamat ke din Jab tak Banda inn 5 Sawalo ke Jawab Nahi dega Uske Qadam harkat Nahi karenge*

*Rasool-Allah Sallallahu Alaihi Wasallam* ne farmaya Qayamat ke din ibn Adam ke Qadam apne RABB ke paas se us waqt tak harqat Nahi karenge jab tak ussay panch (5) sawal na Kar liye Jaye
*1. Uske Umar ke mutalliq Umar kis kaam mein khatam ki.*
*2. Uski jawani ke mutalliq ke kis kaam main khatam ki.*
*3. Uske Maal ke mutalliq ki maal Kaha se kamaya.*
*4. Maal kaha kharch kiya.*
*5. Aur jitna ilm tha us par kitna amal kiya.*
Narrated by al-Tirmidhi, 2422; classed as hasan by al-Albaani in Saheeh al-Tirmidhi, 1969.
Al-Silsila-As-Sahiha-2690

*FAIDAH*

Quran aur sunnat se ye baat sabit hai ke jab ek shaks faut hota hai to use apne har chote-bade gunah ka hisab dena hota hai jo usne is dunya me kiye, chahe wo khair ka kaam ho ya bura kaam. Use nek amal ke liye jaza e khair diya jayega aur bure kaamo ke liye saza diya jayega.

Uske hisab-kitab ki pehli manzil kabr hai. Kabr me usse sawal kiye jayenge.

Fir Qayamat ke din bhi use apne aamaal ka hisab-kitab dena padega, chahe wo chote amal ho ya bade, iske ba-wujud ke usse kabr me sawaal ho chuka hai. Sabse pahli jis chiz ki puch hogi wo hogi uski namaz ke bareme.

Hazrat Abu Huraira Radi allahu anhu riwayat karte hai ki *RasoolAllah Sallallahu Alaihi-Wasallam* ne farmaya, *“Amal me Sabse Pahli chiz jiske bare Qayamat me sawal hoga wo hogi, ‘Namaz’.*

Allah Tala Farishto se farmayega, jabki use sabse zyada ilm hoga, ‘Mere bande ki namaz dekho, Kya wo muqammal hai ya usme kami hai?’ Agar wo muqammal hui to use muqammal darj kar di jayegi, lekin agar usme koi kami hui to Allah kahega, ‘Dekho kya (mere bande ki) koi nawafil (sunnate, witr,etc) namaze maujud hai.’ Agar uski nawafil namaze maujud hongi to Allah kahega, ‘(Mere bande ke) Farz namaz ki kami ko nawafil namaz se puri kardi jaye.’ Aur fir baaki aamaal ka hisab bhi isi tarha hoga.”

Narrated by Abu Dawood, 864; classed as saheeh by al-Albaani in Saheeh Abi Dawood, 770.

Note: Arabic me nawafil ka matlab farz ke alawa, gair-farz (ibadat) hoti hai jaise sunnate, witr, wagaira.

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Latest posts by Aafreen Seikh (see all)
Aafreen Seikh is an Software Engineering graduate from India,Kolkata i am professional blogger loves creating and writing blogs about islam.