Islamic Blog

Islamic Updates




Surah Al Rahman
Quran

Ramazan Quran-Qiyam ke Masail

1-Teen raat se kam waqt me Quran kareem khatam karna na pasandida amal hai.
Hazrat Abdullah bin Umer r.a. se riwayet hai ke Rasool Allah s.a.w.s. ne farmaya”Jo shaks 3 raat se kam waqt me Quran kareem khatam karta he woh Quran ko nahi samajhta”Hadees Sahi-Sunan Abu dawood-1242.


2- Ek raat me Quran kareem khatam karna(shabeena ki namaz jis me esha se fajar tak poora ek quran khatam karte hai) Khilaf-e-Sunnat hai.
Hazrat Aysha r.a. farmati hai”Main nahi janti k nabi s.a.w.s. ne kabhi subha tak(ek hi raat me) Sara Quran majeed khatam kiya ho” Hadees Sahi-Sunan Ibne Maja-1108.

3- Sajda tilawat me yeh masnoon dua padhni chahiye.
Hazrat Aysha r.a. farmati hai nabi s.a.w.s qiyam k dawran jab sajda tilawat karte to farmate”Sajada waj-hiya lil lazi khalaqh wa shaqqa samAhu wa basarah bihaw-lihee wa quwwatihi fatabarakallah hu Ahsanul khaliqeen” Translation”mere chehre ne is zaat k liye sajda kiya jis ne ise paida kiya or is ki soorat banai or is ke kan or ankh ko apni qudrat wo quwwat se khola jo ba barkat ahsanul khaliqeen hai” Sahee sunan Abu Dawood -Albani juz awwal-1225, Quran ko padhte waqt jab sajda ka muqam aai to namaz ki halat me gair e namaz padhte waqt ya mp3,audio vedio, radio me quran sunnte waqt nez kisi bhi halat me jab sajda ka muqam aai to usi waqt sajda karna hai us sajde me yeh dua padhni hai ziyada tar logon ko yeh dua pata nahi or yaad nahi hame chahiye k choti si dua ko yaad kare or jab bhi sajda tilawat aai to sunnat ka poora haq ada kare.

4- Farz namazon k elawa nafil namazon me quran kareem se dekh kar tilawat karna jayez hai.
Hazrat Aysha r.a. ka gulam zakwan quran kareem se dekh kar namaz padhya karta tha”Sahi bukhari Kitabyl azan.
kisi ilaqe me koi hafiz na ho ya kisi ko ghar me hi namaz me lamba qiyam karna ho to nafil namaz qurana hath me le kar imamat bhi kara sakta hai khud bhi padh sakta hai yeh hadees is baat ki daleel hai or deen me asani hai or yeh nabi s.a.w.s k zamane padhat tha ager sahi nahi hota to aap is amal ko rok dete or koi yeh kehta hai quran haath me le kar padhne se namaz nahi hoti to daleel pesh kare yeh kehna hmare mazhab ya maslaq me aisa nahi yeh jihalat hai.

Aafreen Seikh is an Software Engineering graduate from India,Kolkata i am professional blogger loves creating and writing blogs about islam.
Latest posts by Aafreen Seikh (see all)
Aafreen Seikh is an Software Engineering graduate from India,Kolkata i am professional blogger loves creating and writing blogs about islam.