HIQAYAT:-
***********
Hazrat Abu Abdullah Farmate Hain Ki Ek Saal Main Hajj Keliye Gaya To Haram Sharif May Ek Aise Shaks Se Mulakaat Hui! Jo Pani Nahi Pita Tha! Maine Usse Wajah Daryaft Ki, Ki Tum Pani Kyon Nahi Pite! To Usne Bataya Ki Main Hazrat Ali Radi-Allahu-Anhu Se Mohabbat Ka Muddayi Tha! Hazrat Abu Bakr, Hazrat Umar Aur Hazrat Usmaan Radi-Ta’aala-Allahu-Anhum Se Bugz Rakhta Tha!
Ek Raat Main Soya Aur Maine Dekha Ki Qayamat Barpa Hain! Log Bade Pareshan Hain Mujhe Pyaas Lag Rahi Thi, Pyaas Bhujane Keliye Main Rasoolallah SALLALLAHU-TA’AALA-ALAIHI-WASALLAM Ke Hauz-A-Kausar Per Pahucha To Maine Hazrat Abu Bakr, Hazrat Umar, Hazrat Usmaan Aur Hazrat Ali Radi-Allahu-Ta’aala-Anhum Ko Dekha! Jo Pyaason Ko Pani Pila Rahe The! Main Sidhe Hazrat Ali Ke Paas Pahucha Aur Pani Maanga! Magar Hazrat Ali Ne Apna Mooh Fher Liya! Fir Main Hazrat Umar Aur Hazrat Usmaan Ke Paas Gaya To Unohne Bhi Mooh Fher Liya! Main Bada Parshan Hua! Rasoolallah SALLALLAHU-TA’AALA-ALAIHI-WASALLAM Ki Talash Ki! Chunanche, Huzoor SALLALLAHU-TA’AALA-ALAIHI-WASALLAM Maidaan-A-Hashr May Tashrif Nazar Aaye! Main Unki Khidmat May Haazir Hua! Shikayat Ki, Ki Ya Rasoolallah! Mujhe Sakht Pyaas Lag Rahi Hain! Main Hauz-A-Kausar Per Gaya Aur Hazrat Ali Se Pani Maanga To Unohne Ne Mooh Fher Liya Pani Nahi Pilaya!
Huzoor SALLALLAHU-TA’AALA-ALAIHI-WASALLAM Ne Farmaya, Mera Ali Tumeh Pani Kaise Pilaye? Jabki Tum Mere Sahaba Se Bugz Rakhte Ho! Maine Arz Ki, Ya Rasoolallah! Kya Mere Liye Tauba Ki Gunjayish Hain Ya Nahi? Farmaya, Haan Hain, Sacche Dil Se Tauba Karo Aur Mere Sahaba Se Mohabbat Rakho! Fir Main Tumeh Abhi Aisa Jaam Pilaounga Ki Umr Bhar Tumeh Pyaas Na Lagegi!
Chunanche, Maine Bugz-A-Sahaba Se Tauba Ki To Huzoor SALLALLAHU-TA’AALA-ALAIHI-WASALLAM Ne Mujhe Ek Jaam Diya Jo Maine Piya! Fir Meri Aankh Khuli To Mujhe Kat-an Pyaas Na Thi! Ab Pyaas Lagti Bhi Nahi! Pani Piyu Ya Na Piyu Barabar Hain! Ab Main Sacche Dil Se Rasoolallah SALLALLAHU-TA’AALA-ALAIHI-WASALLAM Ke 4 Yaar Ka Muhib Hoon!
(Hujjatullah Alal-Aalamain Pg-808)
********************************
SABAK:-
********
Hazrat Abu Bakr, Hazrat Umar, Hazrat Usmaan Aur Hazrat Ali Radi-Allahu-Ta’aala-Anhum Se Mohabbat Rakhne Wala Apni Aakibat Durust Kerleta Hain Aur Unse Bugz Wa Bair Rakhne Wala Apni Aakibat Barbaad Kerleta Hain!
Yeh Bhi Malum Hua Ki Jisko Hazrat Abu Bakr, Hazrat Umar, Aur Hazrat Usmaan Radi-Allahu-Ta’aala-Anhum Se Mohabbat Nahi Usper Hazrat Ali Radi-Allahu-Ta’aala-Anhu Bhi Khush Nahi!
Yeh Bhi Malum Hua Ki Hauz-A-Kausar Ka Pani Pyaason May Taksim Farmane Wale Aur 4 Yaraan-A-Mustafa SALLALLAHU-TA’AALA-ALAIHI-WASALLAM Hain! Agar Qayamat Ki Pyaas Se Bachna Ho To 4 Yaar Se Mohabbat Zaruri Hain!
- Shab E Barat Kya Hai - 5th March 2022
- Health Tips Hindi - 4th January 2021
- Ramadan Hadith - 4th January 2021
