SHAITAN IBLEES KA DHOKHA

Waise to hum log ALLAH ke bande hain aur bat
bhi usi ki manni chahiye lekin aajkal bat manne
mein shayed hum log shaitan ki raza wale ho
gaye hain,

jo kuch shaitan kah raha hai hum
ankh band kar ke us par yaqeen ke sath amal
karne lag jate hain ki fala style se humein log
standard kahenge,

fala style se humein cool
kaha jayega aur fala style se humein dude kaha
jayega,

fala style se funky kaha jayega aur fala
style se monkey kaha jayega,

aaj janwaro ki
mushabihat par itna fakhr karte hain jaise isi
mein sari qamyabi hai.

Aaj shaitan iblees har naujawan ke zehen mein
waswase dal raha hai,

koi cegerette peekar apni
zindigi barbad kar raha hai, koi porn movies wa
clips dekh kar apni jawaniyan barbad kar raha
hai,

koi cricketer banne ki chah mein mara jar
aha hai,

koi Singer banne ke liye apne gale phad
raha hai aur Shaitan ka muazzin banne ke liye
dauda ja raha hai aur sab ki sab kafiro ke talwe
chat rahe hain.

Takey takey par Islam ko nicha
dikhwa rahe hain, har jagah mat kha rahe hain
lekin phir ye nahi samajh rahe hain ki humein
ab ALLAH ki taraf laut jana chahiye,

kya koi hai is duniya mein aisa Nabi – E – Kareem Hazrat Mohammad Mustafa Sallallahu Ta’ala Alaihi Wasallam ke naqshe
qadam ke alawa bhi falah dilane wala ho,

kya koi hai jiska tareeka aap Huzoor e – Akram Hazrat Mohammad Mustafa Sallallahu Ta’ala Alaihi Wasallam ke tareeke se
acha tareeka ho,

kya duniya koi aisi shakhsiyat
hai jo khud ghurbat mein raha ho aur ummat ke
liye jalti dhoob mein bhi 5 – 5 ghante duaye
mangi hon,

koi hai jisne ummat ko bachane ke
liye apne pet par pathar bandhe ho,

nahi koi nahi, siwaye Muhammad Mustafa Ahmad
Mujtaba Sallahu Alaihe Wasallam ke.

Aaj hamara iman itna kamzor ho gaya ki
humein masjid tak le jane ke qabil bhi na raha,

iblees ke shikanje mein is qadar phans gaye ki
humein shayed kisi kisi waqt ye bhi yad nahi
rehta ki hum Musalman bhi hai ya nahi.

Aur jab iman kamzor ho jata hai to phir khud ko islami
ahkamat aur sunanto par chalana mushkil hota
jata hai.

Isliye tamam musalmano se ghuzarish
hai ki jaise he shaitan ye waswasa lekar aye to
ye dua “AAUZUBILLAHI MINASHSHAIYTANIR
RAJEEM” padhe aur uske shar se mehfooz ho
jayen.

JAZAKALLAHU FIDDARAIN