Aurat Ko Chahiye ki Sohar Ki Aamdani Ki Hesiyat Se Jayda Kharch Na Mange Balki Jo Kuch mile is Par Sabro Sukr Ke Sath Apna Ghar Samaj Kar Hansi Khusi Ke Sath Zindagi Basar Kare Agar Koi Zewar Ya Kapda Ya Saaman Pasand Aa Jaye Aur Sohar Ki Maali Haalat Esi Nahi He Ki Woh Is Ko la sake To Khabhi hargiz Sohar Se Is Ki Faramais Na Kare Aur Apni pasnad Ke Chize Na Milne Par Khabhi Hargiz Sikwa Sikayat Na Kare Na Gusse Se Munh Fulaye Na Tana Maare, Na Afsos Jahir Kare.
Balki Behtarin Tarika Yeh He Ki Aurat Sohar Se Kisi Chiz Ki Farmais Hi Na Kare Kyu Ki Bar Bar Ki Farmaiso Se Aurat Ka Wazn Sohar Ki Nigaah Me Ghat Jata He.
Ha Agar Sohar Khud Puche Ki Tumhare Liye Kya Lau Toh Aurat Ko Chahiye ki Sohar Ki Maali Hesiyat dhek Kar Apni Pasand Ki Chiz Talab Kare Aur Jab Sohar Chiz Laye To Wo Pasand Aaye Ya Na Aaye Magar Aurat Ko Hamesha Yehi Chahiye Ki Woh Is Par Khusi Ka Izhar Kare.
Esa Karne Se Sohar Ka Dil Badh Jayega aur Us Ka Hosla Buland Ho Jayega aur Agar Aurat Ne Sohar Ki Layi Huyi Chiz Ko Thukra Diya Aur Us Me Aib Nikala Ya Us Ko Hakir Samja To Is Se Sohar Ka Dil Tut Jayega Jis Ka Natiza Yeh Hoga Ki Sohar Ke Dil Me Biwi Ki Taraf Se Nafrat Paida Ho Jayegi Aur Aage Chal Kar Jagde Ladai Ka Bazar Garm Ho Jayega Aur Miya Biwi Ki Shadmani Wa Masrat Ki Zindagi Khak Me Mil Jayegi.
Aurat Par Laazim He Ke Apne Sohar Ki Surat Wa Sirat Par Na Taana mare Na Khabhi Sohar ki Tehkir Aur Us Ki Na Sukri Kare Aur Hargiz Hargiz khabhi Is Kism Ki Jali Kati Boliya Na Bole Ki Haye ALLAH me Khabhi Is Ghar Me Shukhi Nahi Rahi.Haye Haye Meri To Sari Umr Musibat hi Me Kati.Is Uzde Ghar Me Aa Kar Me Ne Kya Dhekha? Mere Maa Baap ne Mujhe Bhad Me Jhok Diya Ki Mujhe Is Ghar Me Biyah Diya Muj Nagodi Ko is Ghar Me Khabhi Aaram Naseeb Nahi Huwa.
Haye Me Kis Fakkad Aur Dal Dar Se Biyahi Gayi.Is Ghar Me Toh Hamesha Ullu Hi Bolta Raha.
Is Kism Ke Tano Aur Kosno Se Sohar Ki Dil Sakni Yakini Tour Par Hogi Jo Miya Biwi Ke Nazuk Talukat Ki Gardan Par Churi Fer Dene Ke Barabar He Zahir He Ki Sohar Is Kism Ke Tano Aur Kosno Ko Sun Sun Kar Aurat Se Bezar Ho Jayega Aur Muhabbat Ki Jagha Nafrat Wa Adawat Ka Ek Esa Khatarnak Tufan Uth Khada Hoga Ki Miya Biwi Ke Khus Gwar Talukat Ki Naw Dub Jayegi Jis Pr Tamam Umr Pachtana Padega Magar Afsos Ki Aurto Ki yeh Aadat balki Fitrat Ban Gayi He Ki Woh Sohar Ko Tane Aur Kosne Deti Rehti He Aur Apni Dunya Wa Akhirat ko Tabha o Barbaad karti rehti he.
Hadees Sharif Me He Ki-:
RasoolAllah sallallahu alaihi wa sallam ne farmaya ki Me Ne Jahannam me Aurto Ko Ba Kasrat Dhekha.Yeh Sun Kar Sahaba e Kiram Radi Allaho Ta’ala Anho Ne Pucha Ki Ya RasoolAllah sallallahu alaihi wa sallam Is Ko Kya Wajhe He Ki Aurte Ba Kasrat Jahannam me Nazar Aayi to Aap salallaho alaihi wa sallam ne Farmaya Ki Aurto Me Do Buri Kaslato Ki Wajhe Se.
EK to Yeh Ki Aurte Dusro Par Bohat Ziyadah Laan Taan Karti Rehti He.
Dusri Yeh Ki Aurte Apne Soharo Ki Na Sukri Karti Rehti He Chuneche Tu Umr Bhar In Aurto Ke Sath Ache Se Acha Sulook Karte Raho Lekin Agar Khabhi Ek zara Se Kami Tumhari Taraf Dhek Legi To Yehi Kahegi Ki Me Ne Tum Se Koi Bhalayi Dheki Hi Nahi….
ALLAH taala Har Aurat Ko Samaj Ne Se Jiyada Amal Ki Tofik De Aur Duniya Wa Akhirat Me Kamiyab Or Kamra Ho…
Ameen
☑To Be Continue. ….
Post by Faiz E Ruhani. .
Join faiz e ruhani whatsapp grp Join hone ke liye msg kare Join F.R Apna Or Apne Seher Ka Naam Bheje is Num Pe 09510014491 Akil shabbiri Ladies Grp Alag se He. …..
- शब ए बारात की रात में क्या पढ़े | 2022 शब ए बरात का रोज़ा कब रखते है | - 7th March 2022
- Shab-E-Barat Ki Fazilat (शाबान बरक़त वाली रात) - 5th March 2022
- शब ए बारात की नमाज और सलामत तस्बीह (हिंदी) - 5th March 2022
